अक्षय र करिनाको ‘गूड न्युज’ को ट्रेलर रिलिज(भिडियो)

0SHARES

२ मंसिर २०७६ नेपाल टाईम्स

एजेन्सी, मंसिर २ ।
अक्षय कुमार अभिनीत हास्य चलचित्र ‘गुड न्युज’को ट्रेलर सार्वजनिक भएको छ । क्रिसमसको अवसर पारेर डिसेम्बर २७ देखि प्रदर्शनमा आउन लागेको चलचित्रमा अक्षय सहित करिना कपुर, दिलजित दोसाँध र कियरा अडवानी मुख्य भूमिकामा रहेका छन् ।

चलचित्र बच्चा नभएका दुई दम्पतीले बच्चाका लागि विट्रो फर्टिलाइजेशन आइभिएफ टेक्नोलोजीको सहारा लिँदा भएको कन्फ्युजन नै चलचित्रको मूल कथा हो । दिलजीत–कियारा, अक्षय–करिनाको गुडन्यूजको बिच निकै ठुलो कन्फ्यूजन हुन्छन् ।

चलचित्रलाई राज मेहताले निर्देशन गरेका हुन् भने हिरु जोहर, अरुना भाटिया, करण जोहर, अपूर्व मेहता र शशांक खैतान चलचित्रका निर्माता हुन् । चलचित्रलाई ज्योति कपुर, राज मेहता र रिशब शर्माले लेखेका हुन् ।

यति बेला अक्षय कुमार अभिनीत चलचित्र ‘हाउसफुल ४’ को प्रदर्शन जारी रहेको छ । चलचित्र ब्लक बस्टर साबित भइरहेको छ । ‘गुड न्युज’को ट्रेलर सार्वजनिक भएसँगै अर्को ब्लक बस्टर साबित हुने दाबी दर्शकले गर्न थालेका छन् ।

 

विज्ञापन बक्स