अमेरिकाको टेक्ससमा सार्वजनिक स्थानमा मास्क अनिर्वाय, प्रयोग नगरे जरिवाना तिराइने

0SHARES

१९ असार २०७७ नेपाल टाईम्स

१९ असार, एजेन्सी । अमेरिकाको टेक्सस राज्यमा अनिवार्य रुपमा मास्क लगाउनु पर्ने नियम लागु गरिएको छ । कोरोना भाइरस महामारीको नयाँ इपिसेन्टरका रुपमा विकसित टेक्सास राज्यका रिपब्लिकन गभर्नरले मास्क प्रयोग अनिवार्य गराएका छन् ।

सुरुवातमा कोरोना भाइरसको महामारीलाई गम्भीर रुपमा नलिएका गभर्नर ग्रेग एबोटले पछिल्लो केही हप्तादेखि राज्यमा संक्रमितको संख्या तीव्र गतिमा बढ्दै गएपछि सार्वजनिक स्थानमा मास्क अनिर्वाय गरेका हुन् ।

उनको यो निर्देशन २० भन्दा बढी संक्रमित रहेका राज्यका काउन्टीहरुमा लागू हुन्छ । टेक्ससका २५४ काउन्टी मध्ये अधिकांशमा २० भन्दा बढी संक्रमित रहेका छन् । टेक्ससमा पछिल्लो समय भाइरसबाट संक्रमित भएर अस्पताल भर्ना भएका बिरामीको संख्या ह्वात्तै बढेको छ ।

नयाँ आदेशको अवज्ञा गरेर शहरमा मास्क नलगाई हिड्नेलाई २ सय ५० अमेरिकी डलरसम्म जरिवाना तिराइनेछ । अमेरिकाका ५० राज्य मध्ये टेक्ससमा सबैभन्दा थोरै २८ दिन मात्रै लकडाउन गरिएको थियो ।

विज्ञापन बक्स