अमेरिका कोरोनाभाइरसः एकै दिन एक लाख २२ हजार बढी संक्रमित

0SHARES

२२ कार्तिक २०७७ नेपाल टाईम्स

२२ कार्तिक, एजेन्सी ।
अमेरिकामा एकै दिन एक लाख २२ हजारभन्दा बढीमा कोभिड–१९ संक्रमण पुष्टि भएको छ।

शुक्रवार पुष्टि भएको यो संख्या हालसम्मकै उच्च रेकर्ड हो। शुक्रवार एक लाख २२ हजार ६२६ जनामा संक्रकण पुष्टि भएको हो। यसरी दिनमै एक लाख संक्रमित पुष्टि भएको भने यो तेस्रोपटक भएको सिएनएनले जनाएको छ।

जोन हप्किन्स युनिभर्सिटीको तथ्यांकअनुसार शुक्रवार एकै दिन एकहजार ११० जनाको मृत्यु भएको छ। पछिल्लो पटक राष्ट्रपतिको निर्वाचनमा संक्रमण अझ फैलिएको हुन सक्ने अनुमान गरिएको छ।

युनिभर्सिटीको तथ्यांकअनुसार अमेरिकामा हालसम्म ९७ लाख ३२ हजार ९३२ जनामा कोरोना संक्रमण पुष्टि भइसकेको छ। त्यसैगरी यस भाइरस संक्रमणका कारण दुई लाख २६ हजार ६४ जनाले ज्यान गुमाइसकेका छन्।

विज्ञापन बक्स