अमेरिकी रक्षामन्त्री काबुलको अघोषित भ्रमणमा

903SHARES

९ चैत्र, एजेन्सी ।
अमेरिकी रक्षा मन्त्री लोइड अस्टिनले अप्रत्यासित रुपमा अफगानिस्तानको भ्रमण गरेका छन् ।

रक्षा मन्त्री अस्टिनको अघोषित भ्रमणलाई अर्थपूर्ण रुपमा हेरिएको छ । अमेरिकाले अफगानिस्तानमा बाँकी रहेका आफ्ना सबै सैनिक फिर्ता लैजाने तयारीको केही हप्ता पहिले अस्टिन अप्रत्याशित रुपमा यात्रामा निस्किएका हुन् ।

रक्षा मन्त्री अस्टिनले अफगान राष्ट्रपति अश्रफ घानीसँगको भेटपछि जिम्वेवारीपूर्ण तवरले युद्धको अन्त्य गरिनु पर्ने बताए । तर उनले सेना फिर्ता लैजाने समय सीमामा त्यो पूरा हुने नहुने केही खुलाएनन् ।

उच्च तहमा रहेको हिंसा कम गर्नेमा ध्यान केन्द्रित हुनु पर्ने र द्वन्द्व अन्त्यका लागि वार्तालाई बढावा दिनु पर्ने रक्षा मन्त्री अस्टिनले बताए । अमेरिकी सेना फिर्ता लैजाने बारे गएको वर्ष तालिबान र तत्कालीन ट्रम्प प्रशासनबिच सहमति भएको थियो ।

तर बिद्रोही र अफगान सरकारबिचको वार्ताको वाचा भने अझै पनि प्रश्नको घेरामै छ । यसअघि तय भएको मे १ को सीमा निकै कठिन रहेको अमेरिकी नयाँ राष्ट्रपति जो बाइडेनले बताएका छन् । पूर्व सहमति अनुसार आउँदो १ सम्ममा सबै अमेरिकी सैनिक फिर्ता हुनु पर्ने छ ।

आफ्नो चासो सैनिक फिर्ता बोलाउँदा तालिबान बिद्रोहीको गतिविधि थप सक्रिय हुन्छ कि भन्नेमा रहेको बाइडेनले बताएका छन् । अफगानिस्तान भ्रमण गर्ने बाइडेन मन्त्रीमण्डलका अस्टिन पहिलो सदस्य हुन् । एशियाको छोटो यात्राको अन्त्यमा अस्टिन आइतबार काबुल गएका हुन् ।

पत्रकारसँग कुरा गर्दै रक्षा मन्त्री अस्टिनले अफगानिस्तानमा हिंसात्मक गतिविधि अझै पनि उच्च तहमा रहेको र आफूहरुको चाहना त्यो अन्त्य भएको हेर्नु रहेको बताए ।

पूर्णरुपमा सहमति नभई विदेशी सैनिक फिर्ता भएमा अफगानिस्तानमा पुनः तालिबान शक्तिमा आउने चिन्ता रहँदै आएको छ । अफगानिस्तानमा अझै पनि झण्डै २५ सय अमेरिकी सैनिक छन् ।

छुटाउनुभयो कि?

सम्पूर्ण