अरुण तेस्रोको निरीक्षण गर्न प्रधानमन्त्री बुधबार सङखुवासभा जाने

0SHARES

२४ कार्तिक २०७७ नेपाल टाईम्स

२४ कार्तिक, संखुवासभा ।
प्रधानमन्त्री केपी शर्मा ओली सङखुवासभा आउने भएका छन् ।

कातिक २६ गते बुधबार संखुवासभाको किमाथाङ्का, च्याम्ताङ र फ्याक्सिन्दा (अरुण तेश्रो) को अनुगमन गर्न आउन लागेका हुन् । प्रधानमन्त्रीको भ्रमणबारे प्रधानमन्त्रीको सचिवालयले पुष्टि गरेको हो ।

बिहान ८ बजे हेलिकप्टर मार्फत किमाथाङका ओर्लीने र किमाथाङ्का नाकाको अनुगमन गर्नुहुने कार्यक्रम रहेको जिल्ला समन्वय समितिका प्रमुख सुमन शाक्यले जानकारी दिए।

नाकाको अनुगमन पश्चात उत्तर दक्षिण कोशी राजमार्गको अनुगमन गर्न च्याम्ताङ पुग्नेछन् । उक्त राजमार्गको अवलोकन पछि हेलिकप्टर मार्फत अरुण तेश्रो परियोजनाको अनुगमनगर्न ड्याम साईड निर्माण क्षेत्र फ्याक्सिन्दा दोभान आउने कार्यक्रम रहेको समेत जिल्ला समन्वय प्रमुख शाक्यले जानकारी दिए ।

फ्याक्सिन्दाको कार्यक्रम सम्पन्न पश्चात दिउँसो ३ बजे प्रधानमन्त्रीओली काठमाडौं फर्किनेछन् । प्रम ओलीको जिल्ला भ्रमण ब्यवस्थापनका लागि आईतबार जिल्लाका सरोकारवालाको बैठक बसेको छ ।

समन्वय समितिको अध्यक्षता तथा जिल्लाका सांसदहरु, जनप्रतिनिधि, सुरक्षा निकायका प्रमुखहरु र अन्य सरोकारवालाहरु बैठक बसेर भ्रमण ब्यवस्थित बनाउने निर्णय गरेका छन् ।

किमाथाङ्कामा भोटखोला गाउँपालिकाका अध्यक्ष तेम्बाभोटे लगायतका जनप्रतिनिधि र स्थानीय नागरिकले प्रम ओलीको स्वागत गर्ने तयारी गरिएको छ ।

त्यस्तै, च्याम्ताङमा त्यहाँका वडा अध्यक्ष र स्थानीय नागरिकहरुले स्वागतगर्ने छन् भने फ्याक्सिन्दा दोभानमा जिल्लाका जनप्रतिनिधि र अरुण तेश्रोका प्रतिनिधिले स्वागत गर्ने कार्यक्रम रहेको जिल्ला समन्वयप्रमुख शाक्यले जानकारी दिए ।(गोरखापत्र)

विज्ञापन बक्स