अर्घाखाँचीका प्रजिअ र सहायक प्रजिअलाई कोरोना संक्रमण

0SHARES

१६ आश्विन २०७७ नेपाल टाईम्स

१६ असोज, अर्घाखाँची । अर्घाखाँचीका प्रमुख जिल्ला अधिकारी विष्णु पौडेल र सहायक प्रजिअ विक्रम थापालाई कोरोनाभाइरस संक्रमण देखिएको छ । ज्वरो, रूघाखोकी लागेपछि प्रजिअ पौडेलको स्वाब परीक्षण गरिएकोमा रिपोर्ट पोजेटिभ आएको हो ।

सहायक प्रजिअ थापामा भने कोरोनाका लक्षण देखिएको छैन । उनीहरू शीतगंगा नगरपालिका कोठिया तथा सन्धिखर्क नगरपालिका भुजुंगे क्षेत्रमा पहिरोपीडितलाई राहत वितरण गरेर फर्केका थिए।

बिहीबार कोरोना पोजेटिभ देखिएपछि प्रजिअ र सहायक प्रजिअ होम आइसोलेसनमा बसेका छन् ।

जिल्ला प्रशासन कार्यालयले काम भने रोकेको छैन । अर्का सहायक प्रजिअ विनोद खनाललगायत कर्मचारी कार्यालयमा छन् । उनीहरूले सेवाग्राहीका काम गरिरहेका छन् ।

विज्ञापन बक्स