‘अर्थतन्त्र थप चुनौतीपूर्ण बन्दै’

360SHARES

१२ जेठ, काठमाडौं ।

गभर्नर महाप्रसाद अधिकारीले कोभिड–१९ को दोस्रो लहरसँगै अनिश्चितता बढेको हुँदा अर्थतन्त्र थप चुनौतीपूर्ण हुँदै गएको बताएका छन् ।

“कोभिडको अघिल्लो लहरबाट प्रभावित व्यापार, पर्यटन, यातायात, उत्पादन र निर्माण क्षेत्र विस्तारै पुनरुत्थानतर्फ उन्मुख हुँदै थियो” उनले भने “दोस्रो लहरका कारण मुलुकको समष्टिगत अर्थव्यवस्था फेरि अनिश्चितातर्फ धकेलिएको छ ।

अर्थतन्त्रको पुनरुत्थान राष्ट्र बैंकको उच्च प्राथमिकतामा रहेको भन्दै गभर्नर अधिकारीले तरलताको सहजीकरण, व्याजदर कटौती, अतिरिक्त चालु पुँजी कर्जाको सुविधा, कर्जाको पुनर्संरचना–पुनर्तालिकीकरण, कर्जाको साँवा÷ब्याज भुक्तानीको समयसीमा बढाउने जस्ता नीतिगत सहुलियत उपलब्ध गराइएको जानकारी दिए ।

यस्तै प्रभावित उद्योग, व्यवसाय, साना तथा मझौला उद्यमको उत्थानको निम्ति कर्जामा सहुलियत दिनेगरी पुर्नकर्जा सुविधालाई परिमार्जन गरिएको र पुर्नकर्जा कोषको सीमा बढाएर पाँच गुणासम्म पु–याइएको र पर्यटनसँगै घरेलु, साना र मझौला व्यवसायमा जनशक्तिको तलब–ज्याला भुक्तानीका लागि सरकारको सहयोगमा छुट्टै ५० अर्ब रुपैयाँको कोष बनाइएको बताए ।

रिजर्व बैंक अफ इण्डिया (आरबीआई) को आयोजनामा भएको भर्चुअल बैठकमा एसिया तथा प्यासिफिक क्षेत्रका लागि राष्ट्रसंघीय आर्थिक तथा सामाजिक आयोगका उप–महासचिव आर्मिदा सल्सिया अलिस्जबानाले कोभिड महामारीबाट प्रभावित अर्थतन्त्रलाई गतिसिल तुल्याउनका निम्ति युनियनमा आबद्ध केन्द्रीय बैंकहरूलाई नीतिगत सहकार्य र समन्वय गर्न आग्रह गरे ।

एसियन क्लियरिङ युनियनमा बंगलादेश, भुटान, भारत, इरान, माल्दिभ्स, म्यानमार, नेपाल, पाकिस्तान र श्रीलंका गरी ९ देशमा केन्द्रीय बैंकहरू आबद्ध छन् ।

अन्तरदेशीय भुक्तानी कारोबारलाई व्यवस्थित र सहजीकरण गर्ने उद्देश्यका साथ सन् १९७४ डिसेम्बरमा युनियनको स्थापना भएको थियो । युनियनको सचिवालय इरानको तेहरानमा छ ।

छुटाउनुभयो कि?

सम्पूर्ण