अवैध उत्खननमा संलग्न ९ सवारी नियन्त्रणमा

0SHARES

३१ जेष्ठ २०७५ नेपाल टाईम्स

विराटनगर,जेठ ३१
मापदण्ड विपरित खोलाजन्य पदार्थ उत्खनन् गर्ने ९ वटा सवारी साधनलाई मोरङ प्रहरीले नियन्त्रणमा लिई गाउँपालिकाको कार्यालयमा बुझाएको छ ।

इलाका प्रहरी कार्यालय केराबारीको टोलीले बुधबार मोरङ केरावारी गाउँपालिका ८ स्थित खदमखोलाबाट मापदण्ड विपरीत अवैध रुपमा खोलाजन्य पदार्थ (मिक्सगिट्टी) उत्खनन् तथा ओसारपसार गर्दै गरेको अवस्थामा दुई वटा जेसिबि, ५ वटा हाईवा र २ वटा टिपर नियन्त्रणमा लिई केराबारी गाउँपालिकाको कार्यालयमा बुझाईएको हो।

नियन्त्रणमा लिई कारवाहीका लागी पठाइएका सवारी साधनहरुमा को १ क १६२४ र को १ क १७८७ नम्बरको जेसिबि, ना ७ ख ६००, ना ७ ख २६२७, ना ७ ख ६०५६, को १ ख ४६९८ र को १ ख ५६२९ नम्बरको हाईवा तथा को १ ख ५२८१, को १ ख ५५५१ नम्बरको टिपर रहेको जिल्ला प्रहरी कार्यालय मोरङले जनाएको छ।

विज्ञापन बक्स