अस्थायी शिक्षकको आन्दोलन स्थगित

१७ श्रावण २०७६

साउन १७, विराटनगर ।

प्रदेश नम्बर १ का मुख्यमन्त्री शेरधन राईले माग पूरा गर्ने आश्वासन दिएपछि अस्थायी शिक्षकहरुले ७ दिनका लागि आन्दोलन स्थगित गरेका छन् । केहि महिना अघि अवकास दिइएका अस्थायी शिक्षकहरु पुर्नबहालीको माग गर्दै आन्दोलित भएका थिए ।

प्रदेश नम्बर १ का मुख्य मन्त्री शेरधन राईले माग पूरा गर्ने आश्वासन दिएपछि ७ दिनका लागि अस्थायी शिक्षकहरुले आन्दोलन स्थगित गरेका हुन् । अस्थायी,करार शिक्षक आन्दोलन समिति प्रदेश १ का संयोजक योगेन्द्रप्रसाद यादवले २५ औं बर्षदेखि सेवा दिंदै आएका अस्थायी शिक्षकहरुलाई यत्तिकै अवकास दिनु न्यायपुर्ण नभएको विचार ब्यक्त गरे । उनले अस्थायी शिक्षकहरुले स्थायी गर्न माग गर्दै गरेको लामो आन्दोलन पछि विभिन्न चरणमा सम्झौता भएपनि साधारण परीक्षा लिई स्थायी गर्ने बहानामा एकैचोटीमा सबै शिक्षकहरुलाई अवकास दिइनु उचित नरहेको बताए ।

प्रदेश १ मा १५ सय अस्थायी र करार शिक्षकहरु रहेका छन् भने देशभरमा १३ हजार अस्थायी र करार शिक्षकहरु रहेका छन् । उनीहरुले सम्पूर्ण अस्थायी शिक्षकहरुलाई पूर्ववत रुपमा उमेरको हदसम्म सेवाबाट नहटाई काम गर्ने अवसर दिइयोस र औषधि उपचारको व्यवस्था गरियोस् लगायतका माग राखी आन्दोलन गर्दे आएका थिए ।

Facebook Comments

विज्ञापन बक्स