आईसीसी टी–२० महिला विश्वकपः भारत सेमिफाइनल खेल्दै नखेली फाइनलमा

२२ फाल्गुन २०७६

२२ फागुन, काठमाडौं । भारतीय महिला क्रिकेट टिम सेमिफाइनल खेल्दै नखेली आईसीसी टी–२० विश्वकपको फाइनलमा पुग्न सफल भएको छ ।

भारतीय महिला क्रिकेट टिम पहिलो पटक टी–२० विश्वकपको फाइनलमा पुगेको हो ।  बिहीबार टी–२० विश्वकपको सेमिफाइनलमा भारतले इङ्ग्ल्याण्डसँग खेल्नुपर्ने थियो तर भारी वर्षाका कारण खेल हुन पाएन ।

सेमिफाइनलको लागि कुनै रिजर्भ डे राखिएको थिएन, जसका कारण भारतीय टिम सिधै फाइनल पुगेको हो । भारतीय महिला टिम ८ अङ्कका साथ आफ्नो समूहको शीर्ष स्थानमा थियो, इङ्ग्ल्याण्डको महिला टिम भने ६ अङ्कको साथ दोस्रो नम्बरमा थियो ।

समूह ए मा रहेको भारतीय टिम सबै खेल जित्दै शीर्ष स्थानमा पुगेको थियो ।  महिला टी–२० विश्वकपको फाइनल खेल आइतबार हुने तय भएको छ । आयोजकहरुले यस वर्षको फाइनलमा कीर्तिमानी सङ्ख्यामा दर्शक उपस्थित हुने बताएका छन् ।

फाइनलमा भारतीय महिला टिमले दक्षिण अफ्रिका र अस्ट्रेलिया महिला टिमबीचको विजेतासँग खेल्नेछ ।

विज्ञापन बक्स