आजदेखि ‘मुन्द्रेको कमेडी क्लब’ बन्द

375SHARES

२२ कात्तिक, काठमाडौं ।

आजदेखि हास्यकलाकार जीतु नेपालद्वारा सञ्चालित ‘मुन्द्रेको कमेडी क्लब’ बन्द भएको छ । कार्यक्रम सञ्चालक जितु नेपालले सोमबार पत्रकार सम्मेलन गर्दै आजदेखि शो बन्द भएको घोषणा गरेका हुन् ।

प्रत्येक साँझ सोमबार ८ः५० मा नेपाल टेलिभिजनबाट प्रसारण हुँदै आएको शोको अन्तिम भाग भने आज प्रसारण हुनेछ । शो लाई निर्माण गरिरहेको कम्पनी ‘कि एडभर्टाइजिङ’ले फूलन्देकी आमा (उमेश राई) लाई प्रस्तोता बनाई अर्को टेलिभिजन शो घोषणा गरेपछि आफूले ‘मुन्द्रेको कमेडी क्लब’लाई बन्द गर्ने निर्णय लिएको उनी बताउँछन् । साथै, कार्यक्रम चलाउँदाको दुःख देखेर यसअघि नै कार्यक्रम बन्द गर्न आफूले चाहेको पनि उनले बताए ।

नेपालले करिब ३०–४० जनाले रोजगारी पाएको कार्यक्रम बन्द गर्नुपर्दा आफूलाई दुःख लागेको पीडा पनि सुनाएका छन् । उनले सञ्चारकर्मीसँग भने, ‘दुःख धेरै थियो । म बन्द गर्न चाहन्थे, टिम वर्कमा पनि गडबडी भयो । बन्द गर्ने बहाना पनि मिल्यो । उमेश राईले छोडेर कार्यक्रम बन्द गर्नु परेको होइन, कलाकार अर्को लिएर पनि कार्यक्रम गर्न सकिन्थ्यो । मेरो गुनासो निर्माण एजेन्सीसँग हो । एजेन्सीले मसँग सल्लाह नगरी मेरो कार्यक्रमको कलाकार निकालेर अर्को टेलिभिजनमा कार्यक्रम बनायो ।’

‘मुन्द्रेको कमेडी क्लब’को पहिलो सिजन ७६ भागसम्म प्रशारणमा आएको थियो । कार्यक्रमको अध्यक्षको रुपमा अभिनेत्री एवं निर्देशक दीपा श्री निरौलाले साथ दिएकी थिइन् । कोभिडका कारण बीचमा कार्यक्रम रोकिएकाे थियाे । जीतुले दोस्रो सिजन ५६ भागसम्म प्रशारणमा आयो । दोस्रो सिजनकी अध्यक्षमा भने करिश्मा मानन्धर थिइन् ।

छुटाउनुभयो कि?

सम्पूर्ण