आज वाग्मती र प्रदेश–२ का विभिन्न ठाउँमा १० घण्टासम्म बत्ती जाने

113SHARES

८ चैत, काठमाडौँ । देशका विभिन्न ठाउँमा आज पनि बत्ती जाने भएको छ ।

नेपाल विद्युत प्राधिकरणले निकालेको सूचनाअनुसार प्रदेश–२ र वाग्मती प्रदेशका विभिन्न ठाउँमा १० घण्टासम्म बत्ती जाने भएको हो ।

प्रदेश–२ को जनकपुरमा रहेको सिमरा वितरण केन्द्र अन्तर्गत ११ केभी क्षमताको पर्वानीपुर इन्ड्रष्ट्रीयल फिडर अन्तर्गत पर्ने जितपुर क्षेत्रका उद्योगहरुमा बिहान १० बजेदेखि दिउँसो २ बजेसम्म बत्ती जाँदैछ ।

यस्तै वाग्मती प्रदेशको भरतपुर वितरण केन्द्र अन्तर्गत कल्याणपुर फिडर, भरतपुर २ फिडर, भृकुटी फिडर र इन्ड्रष्ट्रीयल २ फिडर अन्तर्गतका क्षेत्रहरुमा पनि आज लाइन काटिँदै छ ।

वाग्मती प्रदेशको भरतपुर वितरण केन्द्र अन्तर्गतका फिडरहरुमा बिहान ८ बजेदेखि दिउँसो ६ बजेसम्म १० घण्टा बत्ती जाने प्राधिकरणले जनाएको छ । पछिल्लो समय हरेक दिनजसो देशका विभिन्न ठाउँमा मर्मतको काम गर्न भन्दै लाइन बत्तीको लाइन काट्न थालिएको छ ।

यसले दैनिक जीवनयापन र औद्योगिक क्षेत्रहरुमा असर परिरहेको छ ।

छुटाउनुभयो कि?

सम्पूर्ण