इटहरीमा खुकुरी हानेर कुकुर मार्ने तीन जना प्रहरी नियन्त्रण्मा

0SHARES

२४ कार्तिक २०७६ नेपाल टाईम्स

२४ कार्तिक, इटहरी । सुनसरीको इटहरीमा खुकुरी हानेर कुकुर मार्ने तीन जनालाई प्रहरीले नियन्त्रण्मा लिएको छ ।

गत मंगलबार इटहरीको पिपलचोकस्थित आयुष विश्वकर्मालाई लक्षित गरी भएको आक्रमणमा उनको घरमा पालेको टाइसन नामक कुकुरको ज्यान गएको थियो । आयुषलाई आक्रमण गर्न आएका १०(१२ जनालाई टाइसनले रोक्न खोजेको थियो । कुकुर बीचमा आएपछि आक्रमणकारीले उसैलाई खुकुरी हानेका थिए । आक्रमणमा घाइते भएको टाइसनको पछि मृत्यु भएको थियो ।

कुकुरलाई खुकुरी हान्नेहरू पछि भागेका थिए । प्रहरीले शनिबार मोरङको पथरी शनिश्चरेबाट फरार तीन जनालाई पक्राउ गरेको हो । आफन्तको घरमा लुकेर बसेको सूचनाका आधारमा इलाका प्रहरी कार्यलय इटहरीको टोलीले मोरङ प्रहरीसँग समन्वय गरी उनीहरूलाई पक्राउ गर्न सफ भएको हो ।

पक्राउ पर्नेहरुमा इटहरी पिपल चोकका २० वर्षीय विशाल माझी, २१ वर्षीय मनोज भण्डारी र २१ वर्षीय सुदिप राई छन् । पक्राउ परेकाहरुमाथि थप अनुसन्धान भइरहेको प्रहरीले जनाएको छ ।

विज्ञापन बक्स