इटालियन सिरी ‘ए’ अन्तर्गत रोनाल्डोको डेब्यु खेलमा युभेन्टसको कठिन जित

0SHARES

३ भाद्र २०७५ नेपाल टाईम्स

एजेन्सी,भदौ ३
युभेन्टस्ले इटालियन सिरी ‘ए’ फुटबलको नयाँ सिजनको पहिलो खेलमा संघर्षपूर्ण जित निकालेको छ । शनिबार राति किएभो भेरोनाको घरेलु मैदानमा भएको खेलमा युभेन्टस्ले ३–२ को संघर्षपुर्ण जित निकालेको हो ।

युभेन्टका लागि तेस्रो मिनेटमा जर्जियो चिलियानीको पासमा सामी खेडिराले गोल गर्न सफल भएका थियो । ३८ औं मिनेटमा मारिउस स्टेपिन्सकीले बराबरी गोल फर्काएपछि पहिलो हाफ १–१ गोलको बराबरीमा पुगेको थियो । ५६ औं मिनेटमा इमानुएल जियाचेरेनीले गोल गरेपछि युभेन्टस् खेलमा २–१ ले पछि परेको थियो ।

त्यसपछि युभेन्टस् खेलमा फर्कियो । भेरोनाका माटियो बानीले आत्मघाती गोल गरेपछि खेल २–२ गोलको स्थितिमा पुगेको थियो । अन्तिम ९० औं मिनेटमा फेडरिको बर्नार्डडेस्चीले गोल गरेपछि युभेन्टस्लाई ३–२ को संघर्षपूर्ण जित दिलाए ।

क्रिस्टियानो रोनाल्डोले युभेन्ट्स र सिरी ए फुटबलमा डेब्यु गरेको यस खेलमा गोल भने गर्न सकेनन् । युभेन्ट्सले यसै सिजन स्पेनिस क्लब रियल मड्रिडबाट रोनाल्डोलाई १०० मिलियन पाउन्डमा क्लबमा अनुबन्ध गरेको हो ।

विज्ञापन बक्स