उखुको पैसा नदिने अन्नपूर्ण मिलको चिनी बिक्री गर्न किसानहरुको अवरोध

११ माघ २०७६

११ माघ, सर्लाही।
किसानको पैसा नतिर्ने अन्नपूर्ण चिनी मिलको चिनी बिक्री गर्न किसानहरुले अवरोध गरेका छन् । करिब ६ करोड मूल्यको चिनी उद्योगबाट बजार लैजान खोज्दा स्थानीय किसानहरुले अवरोध गरेका हुन् । सर्लाहीको धनकौल–३ मा रहेको सो तिनी मिलको १० वटा ट्रकमा चिनी काठमाडौं लैजान लाग्दा अवरोध भएको हो ।

उद्योगमा चिनी ८ हजार क्वीन्टल मौज्दात छ जिल्ला प्रसााशन कार्याालय सर्लाहीको रोहोबरमा चिनी बिक्रीको लागि सहजीकरण थालिएको तर बिहानैदेखि स्थानीयको समूहले अबरोध गर्दा उद्योगबाट चिनी पठाउन नसकिएको सर्लाहीको प्रमुख जिल्ला अधिकारी मोहनबहादुर जीसीले बताए ।

उद्योग मन्त्रालयमा चिनी बेचेर कृषकको पैसा तिर्ने सहमति गरेको उद्योगले गृह मन्त्रालयको सहजीकरणमा मिलबाट चिनी बिक्री गरिँदै थियोे । जिसीकाअनुसार चिनी लैजान नदिन सडकमा स्थानीयले खाल्डो खनेका छन् ।

विज्ञापन बक्स