उद्योगीहरुले लिए बजारीकरण तालिम

0SHARES

२९ पुष २०७५ नेपाल टाईम्स

विराटनगर पुस २९
मोरंग व्यापार संघ र व्यापार तथा निकासी प्रबद्र्धन केन्द्र, ललितपुरले संयुक्त रुपमा निकासीकर्ताहरुलाई लक्ष्य गरी आयोजना गरेको निर्यात एवं अन्तर्राष्ट्रिय बजारीकरण सम्बन्धी ४ दिने तालिम शनिबार सम्पन्न भएको छ । मोरङ व्यापार संघका हलमा सञ्चालन भएको तालिममा पुर्वी नेपालका निकासीकर्ताहरुलाई लक्ष्य गरी निर्यात एवं अन्तर्राष्ट्रिय बजारीकरण सम्बन्धी विभिन्न जानकारीहरु गराइएको थियो ।

व्यापार तथा निकासी प्रबद्र्धन केन्द्रका उप–निर्देशक राजेन्द्र सिंहले तालिममा प्रशिक्षण दिएका थिए । तालिममा सुनसरी–मोरङ औद्योगिक करिडोर क्षेत्रका एशियन थाई फुड्स, एशियन लेदर इण्डष्ट्रिज, प्रिमियर वायर्स, बाबा भेजिटेवल, पायोनियर केबुल, पशुपति सिन्प्याक, अन्नपूर्ण वाइन्डिङ वायर्स, आरती स्ट्रीप्स, रिलायन्स स्पीनिङ मिल्स, कमला रोलिङ, पल्स फेशन लगायत विभिन्न ३० उद्योगहरुका प्रतिनिधिहरुको सहभागिता रहेको थियो।

तालिम समापन कार्यक्रमका प्रमुख अतिथि प्रदेश नं. १ का आन्तरिक मामिला तथा कानून मन्त्री हिक्मतकुमार कार्कीले निर्यात प्रबद्र्धन नै मुलुकको मुख्य आवश्यकता रहेकोले यसता कार्यक्रमकालागि आफुबाट हर–सम्भव सहयोग गर्ने प्रतिवद्धता जनाएका थिए । उनले आफूले यो तालिम अत्यन्त महत्वपूर्ण रहेको भनी बुझेको समेत बताएका थिए । कार्यक्रमका विशिष्ठ अतिथि व्यापार तथा निकासी प्रबद्र्धन केन्द्रका कार्यकारी निर्देशक सरद विक्रम राणाज्यूले तालिमबाट निर्यात प्रबद्र्धनमा विशेष सहयोग पुग्ने अपेक्षा रहेको बताए। कार्यक्रममा संघका कार्यवहाक.अध्यक्ष प्रकाश मुन्दडाले मुलुकको काँचुली फेर्न सक्ने मुख्य आधार स्वदेशी उद्योगहरुको प्रबद्र्धन एवं विकासकालागि विभिन्न नीति एवं कार्ययोजनाहरु अवलम्बन गर्न सरकारसँग माग गरेका थिए।

उनले निर्यात प्रबद्र्धन गर्न सबै तहका सरकारबाट महत्वपूर्ण कदमहरु चल्न आवश्य रहेकोमा जोड दिएका थिए । स्वदेशी बस्तु निकासी गर्दा भन्सारमा हुने अत्याधिक चाप, प्रकृयागत जटिलता, पारवाहन जटिलता, बैकिङ समस्या, आदि सरकारकै नीतिबाट समाधान हुने भएकोले त्यस्ता नीतिहरुको निर्माण एवं अवलम्बन कार्यहरुमा सरकार संवेदनशील रहनु पर्नेमा उनले जोड दिएका थिए । कार्यक्रममा तालिममा सहभागीकातर्फबाट संघका कार्यकारी सदस्य अनिल सारडाले ं अन्तर्राष्ट्रिय बजार सम्बन्धी जानकारी सहज ढंगबाटै लिने माध्ययमहरु बारे जान्न पाएकोमा तालिम अत्यन्त लाभदायी रहेको अनुभव सुनाएका थिए ।

विज्ञापन बक्स