एउटा यस्तो गाउँ : जहाँ कुखुरा पाल्दैन् पनि र छुँदैनन् पनि

0SHARES

१० भाद्र २०७५ नेपाल टाईम्स

मकवानपुर : हिमाल, पहाड होस् वा तराई, अधिकांशले कुखुरा पाल्ने गर्छन् तर मकवानपुरको उत्तरी क्षेत्रमा यस्ता गाउँ छन् जहाँ कुखुरा पाल्ने त कुरै छाडौं, छुन पनि छुँदैनन् ।मासु र अन्डा पनि खाँदैनन् । कुुखुराको साटो हाँस पाल्छन् । थाहा नगरपालिका वडा १ र १० का कुन्छाल गाउँ, नुलगाउँ र टौखेलमा प्राय मानिसहरुले हाँस पालेकै हुन्छन् ।

यी बस्तीमा गोपाली समुदायको बसोबास उल्लेख्य छ । एकनासे घर भएका कुन्छाल बस्तीमा पुस्तौंदेखि नै कुखुरा पाल्ने चलन छैन । ‘भाले बास्यो भने गाउँमा रोगब्याधी लाग्ने, असिना परी बाली नष्ट हुने विश्वासले कुखुरा पाल्दैनौं,’ थकालीसमेत रहेका कुन्छाल गाउँका ७८ वर्षीय चन्द्रबहादुर गोपालीले भने ।

यहाँका गोपाली समुदाय कुखुरापालन नगरे पनि अन्य व्यवसायमा भने संलग्न छन् । केही युवा भने लुकेरै कुखुराको मासु खाने गर्छन् । दशकअघि कुन्छालका एक युवाले कुखुरा पाल्न खोज्दा चन्द्रबहादुर लगायत गुठीका व्यक्तिले पाल्न दिएनन् ।

उक्त समुदायमा अन्तरजातीय विवाह गरे कुलभित्र पस्न दिइँदैन । कशं बिहे गरी जन्मेका सन्तानको मृत्यु भए दाहसंस्कारका लागि स्थान पनि दिइँदैन ।, आजको कान्तिपुर दैनिकमा समाचार छ ।

विज्ञापन बक्स