ओलम्पिक जाने कराँते खेलाडीले पाए खेल सामग्री

0SHARES

९ मंसिर २०७७ नेपाल टाईम्स

९ मंसिर, काठमाडाैँ ।

टोकियो ओलम्पिकमा सहभागि हुने नेपाली कराँते टोलीका खेलाडीहरुलाई खेल सामग्री प्रदान गरिएको छ । मंगलबार एक कार्यक्रमको आयोजना गरी कराते टोलीका दुई खेलाडी र एक जना प्रशिक्षक गरी तीन जनालाई खेलसामग्री वितरण गरिएको हो ।

नेपाली कांग्रेस केन्द्रीय खेलकुद विभागका सचिव मिनकृष्ण महर्जनसहभागि कार्यक्रममा विनोद महर्जन र रवि महर्जनले केल्मीको जुत्ता, ट्रयाक्सुट र ब्याग प्रदान गरे । कोभिडको समयमा कुनै पनि खेलकुद प्रतियोगिताहरु सञ्चालन हुन नसकेको अवस्थामा खेलाडीहरुलाई भएको सहयोग र प्रोत्साहनले ठूला हौसला प्रदान भएको प्रशिक्षक दीपक श्रेष्ठले बताए ।


खेलाडीहरु नवीन रसाइली र अनु अधिकारी तथा प्रशिक्षक दीपक श्रेष्ठलाई सामग्री प्रदान गरिएको हो । महर्जनले ट्रयाकसुट र जुत्ता गरी जम्मा ४९ हजारको सामाग्री प्रदान गरे । उनी ललितपुर जिल्ला किक बक्सिङ संघका अध्यक्ष समेत हुन । यस्तै रविले १५ हजार बराबरको ब्याग हस्तान्तरण गरे । उनी आठौं दक्षिणकाली खेलकुदअन्तर्गत करातेका स्वर्ण विजेता हुन ।

विज्ञापन बक्स