ओली र गुरुङको पदको ‘छिनोफानो’ एकैदिन !

702SHARES

२३ बैशाख, काठमाडौं । गण्डकी प्रदेश सरकारविरुद्धको अविश्वास प्रस्तावमा वैशाख २७ गते मतदान हुने भएको छ। बिहीबार बसेको कार्यव्यवस्था परामर्श समितिको बैठकले उक्त निर्णय गरेको हो ।

सो दिन मुख्यमन्त्री पृथ्वीसुब्बा गुरुङविरुद्ध दर्ता भएको अविश्वासको प्रस्तावमाथि मतदान हुनेछ । १५ वैशाखमा अविश्वासको प्रस्तावमा मतदान गर्ने कार्यसूची थियो । तर, राष्ट्रिय जनमोर्चाका सांसद खिमविक्रम शाही अनुपस्थित भए ।

शाही सम्पर्कविहिन भएपछि उक्त दलका सचेतक पियारी थापाले आफ्ना सांसद हराएको भन्दै सदन स्थगन गरेर जीवन रक्षाको माग राखेकी थिइन् ।

सोही मागका आधारमा सभामुख नेत्रनाथ अधिकारीले अविश्वास प्रस्ताव मतदानमा नलगी सदन अनिश्चितकालका लागि स्थगित गरिदिएका थिए ।

गण्डकी प्रदेश सभामा सत्तारुढ एमालेको २७, कांग्रेसको १५, माओवादी केन्द्रका १२, जनमोर्चाको ३, जनता समाजवादी पार्टीको २ र स्वतन्त्र १ जना गरी ६० जना सांसद छन्।

अविश्वासको प्रस्ताव पारित गर्न ३१ मत आवश्यक पर्छ ।

सोही दिन केन्द्र सरकारमा पनि प्रधानमन्त्री केपी शर्मा ओलीले संवैधानिक व्यवस्थाअनुसार विश्वासको मत लिदैँछन् । मन्त्रीपरिषद्को सिफारिसमा राष्ट्रपतिले संसद्को बैठक आह्वान गरेकी हुन् ।

छुटाउनुभयो कि?

सम्पूर्ण