औषधी कालोबजारी गर्ने विराटनगरका एक मेडिकल स्टोर संचालक पक्राउ

१७ जेष्ठ, मोरङ । औषधी कालोबजारी गर्ने मोरङ विराटनगर-१५ रानी स्थित जनता मेडिकल स्टोर संचालक पक्राउ परेका छन् । उनी सोही स्थान बस्ने ३५ बर्षीय रवि कुमार रजक रहेको प्रहरीले जनाएको छ ।

आईतबार दिउँसो साढे १ बजे जिल्ला प्रहरी कार्यालय मोरङ र ईलाका प्रहरी कार्यालय रानीबाट खटिएको प्रहरी टोलीले बिशेष सुचनाको आधारमा रजकको घर कोठाबाट फिजिसियन स्याम्पलका औषधीहरु, मुटु सम्बन्धीका औषधीहरु, पेनकिलर, एन्टिबायोटिक, ईन्जेक्सन, बच्चाको कफ सम्बन्धी औषधीहरु र सेनीटाईजर लगायत ४६ कार्टुन, १ बोरा र ७ कार्टुन लेवलिङ गरेको औषधीको खोलहरु बरामद गरेको हो ।

उनले औषधीहरु भण्डारण गर्ने र कालोबजारी गरी झुक्याई बिक्री बितरण गर्ने गरेको प्रारम्भिक अनुसन्धानबाट खुलेसंगै कालोबजारी तथा केही अन्य सामाजिक अपराध तथा सजाय ऐन, २०३२ बमोजिम थप अनुसन्धान भईरहेको छ ।

छुटाउनुभयो कि?

सम्पूर्ण