नेपाल टाईम्स 
विराटनगर, साउन ९
प्रमुख प्रतिपक्षी नेपाली काँग्रेसले सरकारको विरुद्धमा साउन १५ गते देशव्यापी रुपमा गर्ने तय भएको विरोध कार्यक्रम सशक्त बनाउन मोरङमा ३ सय ५० सदस्यीय समिति गठन भएको छ ।
मोरङ काँग्रेसको विराटनगरमा बसेको बैठकले १ नम्बर प्रदेश राजधानी विराटनगरमा सशक्त विरोध ¥याली तथा सभागर्ने निर्णय गरेको हो । पार्टीका जिल्ला सभापति डिगबहादुर लिम्बूको संयोजकत्वमा गठन भएको आन्दोलन परिचालन समितिमा प्रदेश सभाका सांसद, पार्टीको जिल्ला समितिका पदाधिकारी, सदस्य ,क्षेत्रीय सभापतिहरु, भ्रातृसंस्थाका केन्द्रीय पदाधिकारी, भ्रातृ तथाशुभेच्छुक संस्थाका जिल्ला प्रमुखहरु तथातत्कालीन लोकतान्त्रिक फोरामका केन्द्रीय सदस्यहरु समेटिएका छन् ।
यसैगरी महानगर, नगर र गाउँपालिकाका प्रमुख÷उप्रमुख,महाधिवेशन प्रतिनिधि र महासमिति सदस्यहरुले विरोध कार्यक्रमलाई सशक्तबनाउनभूमिका खेल्ने सभापति डिगबहादुर लिम्बूले बताए ।
विराटनगरको वीरेन्द्र सभागृहमा भेलाभई गोल्छामोडबाट निस्कने विरोध ¥याली जन आन्दोलन चौकमा पुगेर विरोध सभामा परिणत हुने पार्टीका जिल्ला सचिव मोदराज घिमिरेले जानकारी दिए ।
डा.गोबिन्द केसीकामाग पूरा नगरेको, अत्यधिक कर तथा उपभोग्य वस्तुको मूल्य वृद्धि गरेको, बंगलादेशमा पढ्न गएको नेपाली चेलीको विषयमा सरकारका जिम्मेवार मन्त्रीबाटै लज्जाबोधहुने अभिव्यक्ति आएको, सरकारको चरित्र अधिनायकवादी हुँदै गएको विरोधमा काँग्रेसले विरोधका कार्यक्रम तय गरेको सचिव घिमिरेले बताए ।
