काभ्रेमा थप ३५ जनामा कोरोना पुष्टि

0SHARES

७ भाद्र २०७७ नेपाल टाईम्स

७ भदौ, काठमाडौं । बनेपाको स्पाइनल कर्ड इन्जुरी अस्पतालमा २३ जना सहित काभ्रेमा थप ३५ जनामा कोरोना संक्रमण पुष्टि भएको छ ।

जिल्ला जनस्वास्थ्य कार्यालय बनेपाका अनुसार स्पाइनल इन्जुरी अस्पतालमा २३ जना र धुलिखेल अस्पतालमा १० जना र धुलिखेलका स्थानीय दुई जना गरी ३५ जनामा शनिबार कोरोना संक्रमण पुष्टि भएको हो ।

स्वास्थ्य कार्यालयका अनुसार योसँगै काभ्रेपलाञ्चोकमा संक्रमितको संख्या १ सय ३९ पुगेको छ ।

बनेपा नगरपालिका–१३ मा रहेको स्पाइनल इन्जुरी अस्पतालमा संक्रमण देखिएकामा अस्पतालमा कार्यरत स्वास्थ्यकर्मी, कर्मचारी र सेवाग्राही समेत रहेको अस्पतालले जनाएको छ ।

उता स्वास्थ्यकर्मी र कर्मचारीमा कोरोना देखिएपछि अस्पतालका निर्देशकसहित कर्मचारी एवं स्वास्थ्यकर्मीहरू होम क्वारेन्टिनमा बसेका छन् । अहिले अस्पताल क्षेत्रमा वडा कार्यालयको सक्रियतामा आवतजावतमा कडाइ गरिएको बनेपा नगरपालिका वडा नं १३ का वडाध्यक्ष सूर्यनारायण नापितले जानकारी दिएका छन् ।

विज्ञापन बक्स