किट अभाव हुँदा पाल्पामा कोरोना परीक्षण प्रभावित

139SHARES

४ जेठ, पाल्पा ।

अस्पतालको कोभिड–१९ परीक्षण प्रयोगशालामा किट अभाव भएपछि कोरोना पाल्पामा परीक्षणको काम रोकिएको छ ।

किट अभावमा होम आइसोलेशनमा रहेका कोरोना सङ्क्रमित र कन्ट्याक्ट ट्रेसिङमा परेकाले एक हप्तादेखि परीक्षण गराउन पाएका छैनन् ।

पाल्पामा कोरोना परीक्षण रोकिएपछि कतिपय भने बुटवल पुगेर परीक्षण गर्न बाध्य भएको अस्पतालका डाक्टर जगदीश कुँवरले जानकारी दिए । प्रयोगशालामा पीसीआर र आर एन ए एक्ट्रयाक्शन किट सकिएको कुँवरले बताए ।

एक हप्ता अगाडि स्वास्थ्य आपूर्ति केन्द्र टेकुबाट प्राप्त भएको पाँच सय थान किट दुई दिनमै सकिएको जनाइएको छ । दुई हजार किट माग गर्दा पाँच सयमात्र आएको अस्पतालले जनाएको छ ।

दैनिक सरदर दुई सय जनाको स्वाब परीक्षण हुँदै आएको पाल्पाको प्रयोगशालामा अहिले किटको अभाव भएपछि कोरोना परीक्षणका लागि पुग्नेहरू त्यसै घर फर्किनुपरेको छ ।

छुटाउनुभयो कि?

सम्पूर्ण