कोरोना भाइरसका कारण चीनको हुबेईमा बुधबार मात्रै २४२ जनाको मृत्यु

१ फाल्गुन २०७६

१ फागुन, एजेन्सी । चीनको हुवेईमा बुधबार कोरोना भाइरसबाट मृत्यु हुने र संक्रमितको संख्या एक्कासी बढेको छ । चीनको राष्ट्रिय स्वास्थ्य आयोगले बिहीबार बिहान जनाएअनुसार बुधबार मात्रै हुबेईमा कम्तीमा २४२ जनाको मृत्यु भएको छ ।

गत डिसेम्बरमा संक्रमण देखिएयता मृत्यु हुनेको यो सबैभन्दा ठूलो संख्या हो । योसंख्या मंगलबारको भन्दा दोब्बर हो । मंगलबार ९४ जनाको मृत्यु भएको थियो ।

त्यस्तै मंगलबारभन्दा बुधबार संक्रमित हुनेको संख्या करिब १० गुणाले बढेको छ । बुधबार थप १४ हजार ८ सय ४० मा कोरोना भाइरसको संक्रमण देखिएकोस्वास्थ्य आयोगले जनाएको छ ।

बुधबारदेखि चिनियाँ स्वास्थ्य अधिकारीहरुले बिरामीको अवस्था निर्धारणको मापदण्डमा परिवर्तन गरेकाले एकैदिन संक्रमितको संख्या बढेको हो । उपचार छिटो होस् भनेर प्रारम्भिक स्वास्थ्य परीक्षण गरिएकालाई पनि संक्रमितको सूचीमा राखिएको चिनियाँ अधिकारीले जानकारी दिएका छन् ।

हुबेईमा मात्रै संक्रमितको संख्या ४८ हजार नाघेको छ ।हुबेईमा ३३ हजार ६ सय ९३ जना अस्पताल भर्ना भएको र तीमध्ये एक हजार ४ सय ३७जनाको अवस्था गम्भीर रहेको चिनियाँ अधिकारीले जानकारी दिएका छन् ।

हुबेईसहित चीनका विभिन्न प्रान्तमा गरी ५९ हजारभन्दा बढीसंक्रमित छन् भने विश्वका दुई दर्जनभन्दाबढी मुलुकमा ५ सयभन्दा बढी संक्रमित छन् ।

त्यस्तै करिब ६ हजार जना उपचारपछि निको भएको चिनियाँराष्ट्रिय स्वास्थ्य आयोगले जानकारी दिएको छ ।मृत्यु हुने एक हजार तीन सय ६३ मध्ये चीनबाहिर फिलिपिन्स रहङकङका एक–एक जना छन् ।

विज्ञापन बक्स