कोरोना संक्रमणका कारण ज्यान गुमाएकी महलिाको नवजात शिशुसहित परिवारका सदस्य डिस्चार्ज

0SHARES

नेपाल टाईम्स

९ जेष्ठ, काठमाडौं । कोरोना संक्रमणका कारण ज्यान गुमाएकी महिलाको नवजात शिशुसहित अन्य परिवारको सदस्यलाई आज डिस्चार्ज गरिएको छ ।

धुलिखेल अस्पतालले एक विज्ञप्ति जारी गर्दै नवजात शिशुसहित सबैलाई डिस्चार्ज गरिएको जनाएको छ ।

मृतक महिलाको परिवारका सदस्यहरुको स्वाब संकलन गरी पीसीआर परीक्षण गर्दा कोरोना संक्रमण नदेखिएपछि उनीहरुलाई डिस्चार्ज गरिएको विज्ञप्तिमा भनिएको छ ।

नवजात शिशुको दुईपटक पीसीआर मार्फत कोरोना परीक्षण गर्दा पनि नेगेटिभ रिपोर्ट आएको थियो ।

शिशुलाई जण्डिस देखिएर शरिरमा बिमिरा आएको भएपनि बाल रोग विशेषज्ञलाई देखाएको र सो निको भइसकेको अस्पतालले जनाएको छ ।

चिकित्सकले नवजात शिशु डिस्चार्ज गर्न योग्य भएको बताएपछि उनीहरुलाई डिस्चार्ज गरिएको हो ।

बाह्रबिसे नगरपालिका(९ की २९ वर्षीय महिलाको जेठ १ गते कोरोना संक्रमणका कारण निधन भएको थियो ।

उनी नेपालको कोरोनाबाट मर्ने पहिलो व्यक्ति हुन् । उनी ९ दिनकी सुत्केरी थिइन् ।

Facebook Comments

विज्ञापन बक्स