कोरोना सङ्क्रमण भइ ज्यान गुमाउने डाक्टरको परिवारलाई १ करोड भारु दिने केजरीवालको घोषणा

43SHARES

९ जेठ, काठमाडौं ।

भारतको दिल्ली सरकारले बिरामीको उपचार गर्दै गर्दा कोरोना सङ्क्रमित भएर ज्यान गुमाउने डाक्टरको परिवारलाई एक करोड भारु क्षतिपूर्ति दिने घोषणा गरेको छ । आइतवार पत्रकार सम्मेलन गर्दै मुख्यमन्त्री केजरीवालले यस्तो घोषणा गरेका हुन् ।

मुख्यमन्त्री केजरीवालले लकडाउनले दिल्लीलाई फाइदा पुगेको पनि बताउनुभएको छ । यही कारण राजधानीमा पोजेटिभ दर ३६ प्रतिशतबाट घटेर दुई दशमलव पाँच प्रतिशतमा घटेको उनको भनाइ छ ।

उनले भने , ‘अवस्था सुधारिँदै गएको छ तर हामीले युद्ध जितिसकेका भने छैनौँ । हामी अझै पनि अनुशासित र संयमित बन्नुपर्छ ।’

यसैबीच दिल्लीमा एक हप्ताका लागि लकडाउन बढाइएको छ । अब राजधानी दिल्लीमा लकडाउन बढाएर मे ३१ बिहान ५ बजेसम्म लागू गरिएको छ ।

छुटाउनुभयो कि?

सम्पूर्ण