क्यान्सरको सचेतनाका लागि लियोको लेडि रोड रन सम्पन्न

0SHARES

२४ फाल्गुन २०७५ नेपाल टाईम्स

विराटनगर,फागुन २४
लियो क्लब अफ बिराटनगर इनोभेटिभको आयोजनामा लेडि रोड रन—२०१९ विराटनगरमा भव्यताका साथ सम्पन्न भएको छ । बिराटनगर-९ स्थित तुलसा मदर एण्ड चाइल्ड अस्पतालबाट सुरु भएको रोड रन सोहि ठाँउमा पुगेर विभिन्न कार्यक्रमको आयोजना गर्दै सम्पन्न भएको छ ।

लियो क्लब अफ इनोभेटिभका अध्यक्ष अंकिता कट्टेलको अध्यक्षतामा भएको उक्त लेडि रोेड रनको उद्घाटन विराटनगर महानगरपालिकाका मेयर भीम पराजुली र न्युरो कार्डियो एण्ड मल्टिस्पेशियालिटि हस्पिटल र तुलसा मदर एण्ड चाइल्ड अस्पतालका अध्यक्ष तथा वरिष्ठ न्यूरोलोजिष्ट डा. बीरेन्द्र कुमार बिष्टले संयुक्त रुपमा गरेका थिए ।

 

दौड पछि आयोजित कार्यक्रममा मेयर पराजुलीले यस किसिमका कार्यक्रमहरुले आम जनतामा स्वास्थ्य प्रति सचेतना जाग्ने बताए । यस्तै वरिष्ठ न्यूरोलोजिष्ट डा. बिष्टले नारी दिवसको महिमा अथवा यथार्थता, कुनै नारी वर्ग विशेष प्रति मात्र लक्षित नभएर प्रगति पथको अभियान रहेको बताए । उनले राज्यले महिलालाई एकदिने सार्वजनिक विदाको प्रावधान , हप्ते कार्यक्रम वा विभिन्न सेमिनार, गोष्ठीमै सीमित गर्ने परम्पराले महिलाको अधिकार र विभेदरहित समाजको प्रत्याभुति दिनसक्छ वा सक्दैन भन्ने विषय आम महिलाको चासो र बहसको विषय हुनुपर्नेमा जोड दिए ।

 

यस्तै तुलसा अस्पतालका वरिष्ठ गाइनोक्लोजिष्ट डा. रेणुका राठीले स्तन क्यान्सरबाट बच्ने उपायका विषयमा प्रकाश पारेकी थिइन् । कार्यक्रममा वरिष्ठ इन्टरभेन्सल कार्डियोलोजिष्ट डा. निकेसराज श्रेष्ठ , वरिष्ठ फिजिसियन डाक्टर अग्रज उप्रेती लगायतले महिला स्वास्थ्य तथा महिला सशक्तिकरणको विषयमा प्रकाश पार्नुको साथै विजयीहरुलाई पुरस्कार तथा प्रमाणपत्र प्रदान गरेका थिए ।

विज्ञापन बक्स