गोकुल बाँस्कोटाको घरमा विष्फोट गराएको अभियोगमा १ जना पक्राउ

0SHARES

नेपाल टाईम्स

१७ असार, काठमाडौं ।
पूर्वसूचना तथा सञ्चार प्रविधि मन्त्री गोकुल बाँस्कोटाको घरमा विष्फोट गराएको अभियोगमा एक जना पक्राउ परेका छन् । पक्राउ पर्नेमा नेत्रविक्रम चन्द नेतृत्वको विप्लव समूहका भक्तपुर जिल्ला इञ्चार्ज विजय शाही भनिने ऐनबहादुर शाही रहेको प्रहरीले जनाएको छ ।

उनलाई महानगरीय प्रहरी वृत्त, ठिमीमा राखिएको छ । भक्तपुर प्रहरीका डीएसपी दिपक गिरीले विष्फोटको अनुसन्धानका क्रममा उनलाई पक्राउ गरिएको र थप अनुसन्धान भईरहेको जानकारी दिए ।

२८ फागुनमा मनहरा फाँटस्थित बाँस्कोटाको निर्माणाधीन घरमा विप्लव समूहले विष्फोट गराएको थियो । प्रतिबन्धित विप्लव समूहले भने उपत्यका विशेष ब्युरो इञ्चार्ज मिलनको नामबाट विज्ञप्ति जारी गर्दै पार्टीले आक्रामक कारबाही बन्द गरेको अवस्थामा झुठा मुद्दा लगाइएको दाबी गरेको छ ।

विष्फोटमा संलग्नताको आरोपमा त्यतिवेलै एक जना पक्राउ परेको भए पनि संलग्नता पुष्टि नभएपछि छुटिसकेका छन् ।

Facebook Comments

विज्ञापन बक्स