चिकित्सक आन्दोलनले बिरामीको बिचल्ली

0SHARES

१८ भाद्र २०७५ नेपाल टाईम्स

विराटनगर ः भदौ १ गतेदेखि लागु भएको मुलुकी ऐनको मुलुकी अपराध (संहिता) ऐन २०७४ र फौजदारी कार्यविधि ऐन २०७४ को संसोधन माग गर्दै चिकित्सकहरु आज्दोलित भएका छन् ।

बिरामीको उपचारमा संलग्न चिकित्सक तथा स्वास्थ्यकर्मीहरुलाई अपराधिको रुपमा ब्याख्या गर्न खोजिएको भन्दै आइतबार आकस्मिक सेवाबाहेक सबै सेवा बन्द गरेर चिकित्सकहरुले जिल्ला प्रशासन कार्यालय अगाडि धर्ना दिएका छन् ।

चिकित्सकहरुको आन्दोलनका कारण अस्पतालको सेवा प्रभावित हुँदा विरामीको बिचल्ली भएको छ । चिकित्सकहरु आन्दोलनमा उत्रिएपछि आइतबार मुलुकभरका अस्पतालको सेवा प्रभावित बनेको छ ।

भदौ १ गतेबाट कार्यान्वयनमा आएको मुलुकी अपराधसंहितामा उपचारका क्रममा डाक्टरको लापरबाहीले बिरामीको मृत्यु भएमा पाँच वर्षसम्म कैद र ५० हजार सम्म जरिवानाको ब्यबस्था गरिएको छ । यो समाचार आजको उद्घोष दैनिकमा छापिएको छ ।

विज्ञापन बक्स