चीनको जवाफ-कोरोनाको उत्पत्तिबारे वैज्ञानिक अनुसन्धान गरौं

771SHARES

१८ जेठ, काठमाडौं ।

चीनले कोरोना भाइरस (कोभिड–१९) को उत्पत्तिको विषयमा राजनीति गर्न नहुने बताएको छ ।

चिनियाँ विदेश मन्त्रालयका प्रवक्ता वाङ वेनबिनले सोमबार कोरोनाको उद्गमस्थल पत्ता लगाउने विषय वैज्ञानिक अनुसन्धानको भएको बताएका हुन् । नियमित प्रेस ब्रिफिङमा वेनबिनले अमेरिकाले चीनलाई कोरोना महामारीको दोष लगाउने प्रयास गरिरहेको बताएका हुन् ।

‘हामीले अहिले महामारीको कलंक भिराउने काम भइरहेको देखिइरहेको छ’, वेनबिनले भने, ‘हामीले कोरोना भाइरसनको उत्पत्तिको विषयलाई लिएर केही मुलुकलाई लगाउने प्रयास भइरहेको देखिरहेका छौं ।’

वेनबिनले कोरोना उत्पत्तिबारे अध्ययन टोलीमा अमेरिकी सेना पनि सामेल हुन खोजेको आरोप लगाएका छन् । ‘कोरोनाको उत्पत्तिबारेको अध्ययन वैज्ञानिकहरुमा आधारित हुनुपर्छ, गुप्तचर सैनिकहरुमा होइन’, वेनबिङले थपे ।

कोरोनाको उत्पत्तिको विषयमा चीन निकै पारदर्शी रहेको र अन्य मुलुकसँग यस विषयमा सहकार्य पनि गर्दै आएको वेनबिनको दाबी छ ।

यसअघि अमेरिकी गुप्तचर संस्थाले कोरोना भाइरस चीनको प्रयोगशालाबाट आएको हुन सक्ने बताएको थियो । अमेरिकी वरिष्ठ संक्रामक रोग विशेषज्ञ डाक्टर एन्थोनी फाउचीले पनि आफू कोरोना भाइरस प्राकृतिकरुपमा आएको भन्नेबारे विश्वस्त हुन नसकेको बताएका थिए ।

साथै उनले चीनमा के भइरहेको छ भन्ने कुरा आफूलाई थाहा नभएको बताएका थिए । अमेरिकी राष्ट्रपति जो बाइडनले कोरोनाको उत्पत्तिको विषयमा अध्ययन गरी ९० दिनभित्र त्यसको प्रतिवेदन बुझाउन गुप्तचर संस्थालाई निर्देशन दिएका छन् ।

त्यस्तै बेलायतको गुप्तचर संस्थाले पनि हालै मात्र कोरोनाको उत्पत्ति प्रयोगशालाबाट भएको हुन सक्ने बताएको छ ।

बेलायती सञ्चारमाध्यमहरुका अनुसार नयाँ अध्ययनमा शोधकर्ताले एक विशेष किसिमको फिंगरप्रिन्ट पाइएको यसले भाइरस प्रयोगशालाबाटै आएको हुन सक्ने देखाएको छ ।

छुटाउनुभयो कि?

सम्पूर्ण