चुरेबारे केन्द्र सरकारलाई मुख्यमन्त्री राउतको चेतावनी – नसच्याए आवश्यक निर्णय लिन्छौं

252SHARES

२० जेठ, काठमाडौं ।

प्रदेश २ सरकारले गिट्टी, बालुवा र ढुंगा निकासी खुला गर्ने निर्णय फिर्ता लिन केन्द्र सरकारलाई आग्रह गरेको छ । मुख्यमन्त्री लालबाबु राउतले आज विज्ञप्ति निकालेर बजेटको उक्त कार्यक्रम सच्याउन आग्रह गरेका हुन् ।

केन्द्र सरकारले उक्त कार्यक्रम नसच्याए चुरे संरक्षणका लागि आवश्यक निर्णय लिने राउतको चेतावनी छ ।

जनता बाढीपहिरो, पानीलगायत समस्याबाट पीडित हुँदै आएको अवस्थामा चुरे दोहन हुने गरी सरकारले बजेटमा कार्यक्रम समावेश गरेकोले विरोध गर्नुपरेको विज्ञप्तीमा उल्लेख छ ।

‘चुरे क्षेत्रको माटो एकदमै कमजोर छ। चुरे दोहनले सबै प्राकृतिक सम्पदाले आफ्नो बासस्थान गुमाउने निश्चित छ, सरकारको यस्तो अदुरदर्शी निर्णयले प्रदेश नम्बर २ बाट ढुंगा, गिटी, बालुवा उत्खनन् गर्ने योजनाले देशकै अन्न भण्डारका रूपमा रहेको भू–भाग मरूभूमिकरण भई शतप्रतिशत जनताको विल्लीबाठ हुने निश्चित छ।’ विज्ञप्तीमा भनिएको छ ।

केन्द्र सरकारले बजेट वक्तव्यमा वातावरणीय प्रभाव मुल्यांकनका आधारमा खानीजन्य ढुंगा, गिट्टी, वालुवा निकासी गरी ब्यापार घाटा न्यूनीकरण गर्ने बताएको छ । तर, सो कार्यक्रमको सत्तारुढ नेकपा एमालेकै नेतासहित सबै विपक्षी दलले चर्को आलोचना गरेर खारेज गर्न माग गरेका छन् ।

छुटाउनुभयो कि?

सम्पूर्ण