जनकपुर आइपुग्याे नेपाली रेल, हेर्नेको भिड थामिनसक्नु

0SHARES

२ आश्विन २०७७ नेपाल टाईम्स

नितेश यादव
२ असोज, जनकपुरधाम ।
जनकपुर–जयनगर रेल शुक्रबार दिउँसो २ बजे जनकपुरधाम आइपुगेको छ । भारतको सरकारी कम्पन्नी कोकण रेलवेज कर्पोरेसन लिमिटेडले निर्माण गरेको नयाँ दुई सेट रेल जनकपुरधाम आइपुगेको हो ।

विगत ७ वर्षदेखि बन्दै गरेको रेल पहिलो चरणमा जनकपुर–जयनगर रुटमा सञ्चालनको लागि उक्त दुई सेट रेल निर्माण कम्पनीले नेपाल रेल्वे विभागलाई हस्तान्तरण गर्दैछ । जनकपुरको पुरानो रेल्वे स्टेशनमा रेल हस्तान्तरणको लागि एक कार्यक्रम राखिएको छ ।

धनुषाको प्रमुख जिल्ला अधिकारी प्रेमप्रसाद भट्टराईको प्रमुख आतिथ्यमा हुने उक्त कार्यक्रममा रेल विभागका उच्चअधिकारीहरुलाई कम्पनीले रेल हस्तान्तरण गर्नेछ । नेपालको एक मात्र ब्रोडगेज रेलमा चारवटा बोगी र २ वटा इन्जिन सहित दुई सेट रेल जनकपुर आइपुगेको छ ।

राष्ट्रिय झण्डाको रंगमा रंगिएको उक्त रेल परीक्षणका लागि जनकपुर ल्याइएको हो । बहुप्रतिक्षित रेल जनकपुर आएपछि नेपालको इनर्वादेखि जनकपुरको कुर्थासम्म रेल हेर्ने स्थानीयको घुँइचो लागेको छ । रेल सञ्चालन लगतै व्यापार व्यवसाय फस्टाउने तथा भारत आवतजावतमा सहज हुने भएकाले स्थानीय हर्षित भएका छन् ।

विज्ञापन बक्स