जनताको जीवन र जीविका सरकारको प्राथमिकताः अर्थमन्त्री

964SHARES

१३ वैशाख, काठमाडौँ ।
अर्थमन्त्री बिष्णु पौडेलले कोभिड–१९ सँग लड्दै नागरिकको जीवन र जीविकाको रक्षा गर्नु सरकारको पहिलो प्राथमिकता रहेको बताएका छन् ।

सोमबार काठमाडौंमा आइबिएन मिडियाले गरेको कार्यक्रममा उनले दोश्रो चरणको कोभिड चूनौतिलाई सामना गर्दै जनताको जीवन र जीविकालाई सरकारले प्राथमिकतामा राखेको बताए ।

उनले विश्वव्यापी रूपमा देखिएको कोरोना संक्रमणको दोश्रो महामारीलाई पराजित गर्दै मुलुकको अर्थतन्त्र र नागरिकको जीवन पुरानै अवस्थामा फर्काउनुपर्ने चूनौति आएको उल्लेख गरे ।

अर्थमन्त्री पौडेलले सरकारको सही नीतिका कारण नै पहिलो चरणको कोरोना महामारीलाई नियन्त्रण गर्न सरकार सफल भएको दाबी गर्दै दोश्रो चरणको महामारीसँग जुध्न सरकारले हरसम्भव प्रयास गरेको धारणा राखे।

त्यस्तै उनले सरकार बजेटको तयारीमा जुटेको भन्दै बजेट निर्माण गर्दा आवश्यक जायज र सम्भव सुझावलाई ग्रहण गरिने बताउए ।

कार्यक्रममा सहभागीहरूले कोरोना महामारीकाबीच निजी क्षेत्रको समस्या बढ्न सक्ने भन्दै देखिएका समस्या समधानका लागि सरकारले पहल गर्नुपर्ने उल्लेख गगरेका थिए ।

छुटाउनुभयो कि?

सम्पूर्ण