नेपाल टाईम्स 
धनुषा, माघ १२
धनुषाको सबैला नगरपालिका–४ स्थित जन्ती आएको बसमा करेन्ट लाग्दा ७ जनाको मृत्यु भएको छ भने ११ जना भन्दा बढी घाईते भएका छन् ।
सबैलाबाट जन्ती लिएर सिन्धुली फर्कंदै गरेको बसमा एक्कासी करेन्ट लाग्दा बसमा सवार यात्रुको मृत्यु भएको प्रहरी इकाइ जनकपुरका प्रहरी नायव महानिरीक्षक हरिबहादुर पालले बताएका छन् ।
करिब ८ :१५ को समयमा विद्युत् हाइटेन्सन लाइनको तारले बा ५ ख १७५२ नम्बरको बस छोएपछि यात्रुलाई करेन्ट लागेर ज्यान गएको हो।सिन्धुलीका वर्ष ९ का आक्रोश कुँवर, वर्ष २२ की पूजा अधिकारी, उमेर खुल्न नसकेकी लिला अधिकारी, धनुषा सबैला ४ पटेर्वाका केशव वेरी कुँवर लगायतको मृत्यु भएको प्रहरीले जनाएको छ ।
प्रहरीका अनुसार बसको छतमा राखेको टिनको बाकसमा ११ हजार भोल्टको करेन्ट लाग्दा उक्त घटना भएको हो।जानकारी अनुसार बसमा सबैला नगरपालिका ४ बल्टीयाका रामभरोस दनुवारकी छोरीको विहेबाट फर्किदै गरेका जन्तीहरु चढेका थिए ।
