ट्रकको ठक्करबाट बाबुको मृत्यु, छोरा घाईते

0SHARES

१६ आश्विन २०७५ नेपाल टाईम्स

विराटनगर, आश्विन १६

मोरङको कटहरी गाउँपालिका–३ स्थित कटहरी बजारमा मंगलबार बिहान ट्रकको ठक्करबाट मोटरसाईकल सवार १ जनाको मृत्यु भएको छ भने १ जना घाईते भएका छन् ।

बिहान साढे दश बजे पश्चिमबाट पूर्व तर्फ जाँदै गरेको को १ ख २९४४ नम्बरको ट्रकले बाटो क्रस गर्ने क्रममा रहेको को. २५ प २८९६ नम्बरको मोटरसाईकललाई ठक्कर दिएको थियो ।

ठक्करबाट मोटरसाईकलमा सवार कटहरी गाउँपालिका–४ बस्ने बर्ष ५० को जगदिश गुप्ता र उनका छोरा बर्ष २२ को प्रमोद गुप्ता घाइते भएका थिए ।

बाबु जगदिश गुप्ताको उपचारको क्रममा गोल्डेन अस्पताल विराटनगरमा मृत्यु भएको हो भने छोरा प्रमोदको सोही अस्पतालमा उपचार भईरहेको छ ।

ठक्कर दिने ट्रक र चालकलाई जिल्ला प्रहरी कार्यालय मोरङको नियन्त्रणमा राखिएको प्रहरीले कार्यालयले जनाएको छ ।

विज्ञापन बक्स