त्रिदेशीय फुटबल प्रतियोगिताको लागि २३ सदस्यीय नेपाली टोलीको घोषणा

649SHARES

११ चैत, काठमाडौँ । त्रिदेशीय फुटबल प्रतियोगिताको लागि नेपालले २३ सदस्यीय टोली घोषणा गरेको छ । नेपाली टोलीका मुख्य प्रशिक्षक बालगोपाल महर्जनले कप्तान किरण चेम्जोङको नेतृत्वमा २३ सदस्यीय टोली घोषणा गरेका हुन् ।

नेपाली टोलीमा नवयुग श्रेष्ठ परेका छैनन् । नेपाली टोलीको गोलकिपरमा किरण चेम्जोङ, विकेश कुथु, दीप कार्की रहेका छन् । यस्तै डिफेन्डरमा रंजित धिमाल, निशान लिम्बु, रोहित चन्द, अनन्त तामाङ, दिनेश राजवंशी, अजित भण्डारी, विराज महर्जन, छिरिङ गुरुङ छन् ।

मिडफिल्डरमा त्रिदेभ गुरुङ, सुजल श्रेष्ठ, तेज तामाङ, एरिक विष्ट, सन्जोग राई, विशाल राई, सुनिल बल, रवि शंकर पासवान परेका छन् । फरवार्डमा अन्जन विष्ट, दर्शन गुरुङ, अभिषेक रिजाल, भरत खवास रहेका छन् ।

मङ्गलवार (हिजो) देखि सुरु भएको त्रिदेशीय फुटबलअन्तर्गत नेपालले बिहीवार बङ्गलादेश र आउँदो शनिवार किर्गिस्तानसँग खेल्दैछ ।

छुटाउनुभयो कि?

सम्पूर्ण