दार्चुलामा जिप दुर्घटना : ११ यात्रुको मृत्यु

0SHARES

१८ फाल्गुन २०७५ नेपाल टाईम्स

दार्चुला, फागुन १८
दार्चुलामा शुक्रबार राति जीप दुर्घटना हुँदा ११ जनाको मृत्यु भएको छ । दुर्घटनामा एक जना गम्भीर घाइते भएका छन् ।

दार्चुला सदरमुकाम खलंगा बजारबाट दुहुँ गाउँपालिकाको हिकिला तर्फ जाँदै गरेको म १ ज २८० नम्बरको जीप राताकाठा भन्ने स्थानमा राति करिब ८ बजेतिर दुर्घटना भएको थियो ।

दुर्घटनामा ७ महिला, ३ पुरुष, १ नाबालिकाको मृत्यु भएको र जीप चालक दीपक सिंह धामी घाइते रहेको जिल्ला प्रहरी कार्यालय दार्चुलाले जनाएको छ । मृतकको सनाखत भएको छैन ।

धामीको अवस्था गम्भीर छ । उनलाई जिल्लामा उपचार हुन नसकेपछि भारतको पिथौरागढ रिफर गरिएको प्रहरीले जनाएको छ ।जीप सडकबाट करिब तीन सय मिटर तल महाकाली नदी किनारमा खसेको छ । नेपाली सेना, सशस्त्र प्रहरी र नेपाल प्रहरीको टोली उद्धारमा खटिएका थिए ।

विज्ञापन बक्स