दिनभरका प्रमुख खबर

0SHARES

नेपाल टाईम्स
Pic: Niraj Bajracharya

आजका प्रमुख खबरहरुः

१.(२४ जिल्लामा संक्रमण)
नेपालमा शुक्रबार थप ९ जनामा कोरोना संक्रमण देखिएसँगै नेपालमा संक्रमितको संख्या २ सय ५८ पुग्यो /३६ जना उपचारपछि निको भएर फर्किए /देशका विभिन्न २४ जिल्लामा कोरोना संक्रमण ।

२.(परीक्षण यस्तो छ)
शुक्रबारसम्म पिसिआरबाट २३ हजार ९ सय १४ र आरडिटीबाट ६३ हजार ८५ जनाको परीक्षण /देशभर २ सय ६७ आइसोलेसनमा /१५ हजार ६ सय ८३ जना क्वारेन्टाइनमा ।

३.(आयो सरकारको नीति)
आगामी आर्थिक वर्षका लागि नीति तथा कार्यक्रम प्रस्तुत÷सरकारले कोरोना भाइरसका कारण नेपालभित्र ज्यान जाने अवस्था आउन नदिने /आन्तरिक आवागमन र आपूर्ति र विकास निर्माणलाई तिब्रता दिने कार्यक्रम कार्यान्वयन गर्ने राष्ट्रपति भण्डारीको भनाई ।

४.(लकडाउन कस्तो गर्ने ?)
लकडाउनको मोडालिटी परिवर्तन गर्ने कोभिड—१९ उच्चस्तरीय समन्वय समितिको तयारी/परीक्षण, कन्ट्रयाक्ट ट्रेसिङको दायरा बढाउनुपर्ने, क्वारेन्टाइनको व्यवस्थापन राम्रोसँग गर्नुपर्ने विज्ञहरुको सुझाव ।

५.(५३ दिन काटियो)
कोरोना भाइरस रोकथाम तथा नियन्त्रणका लागि सरकारले लागू गरेको लकडाउनको ५३ दिन पूरा / लकडाउनका कारण जनजीवन प्रभावित /सवारी साधनको चेकजाँचमा कडाई ।

६.(अलपत्रको स्वदेश फिर्ती)
जापान र हङकङबाट छुट्टीमा नेपाल आएकालाई जान अनुमति दिइने / ती देशका स्थायी बसोबास भएकाहरू घुम्नका लागि नेपाल आएका, छुट्टीमा आएकाहरूलाई जान दिइने उच्चस्तरीय समन्वय समितिको निर्णय ।

७.(आइसोलेसन छाडे गोली)
पर्साको आइसोलेसन वार्डमा भर्ना भएका संक्रमित व्यक्ति भागे वा भाग्न खोजे सुरक्षा निकायलाई गोली समेत चलाउने अधिकार /आइसोलेसनबाट बुधबार दुईजना संक्रमित भागेर नियन्त्रणमा लिएपछि यस्तो निर्णय लिइएको प्रमुख जिल्ला अधिकारीको भनाई ।

८.(फर्किन थाले अलपत्र)
भारतले सीमावर्ती क्षेत्रमा क्वारेन्टाइनमा राखिएका नेपालीहरूलाई सीमासम्म ल्याइदिन थाल्यो /तीन दिनमा करिव १३ सय भित्रिए /भित्रिएकालाई १४ दिनसम्म क्वारेन्टाइनमा राख्ने र कोरोना परीक्षण गरेर गृहजिल्ला पठाइने ।

९.(आयोजना नरोकिने)
लकडाउनका कारण अर्थतन्त्र सुस्त भएपनि निर्मार्णाधीन ठूला आयोजना समयमै सम्पन्न गर्ने सरकारको घोषणा /बजेटको अभाव हुन नदिने उल्लेख /फजुल खर्च तथा अनावश्यक खर्च कटौती गरी भौतिक पूर्वाधारलाई प्राथमिकतामा राख्ने ।

१०.(जापानीलाई सहयोग)
नेपालमा रोकिएका जापानिज नागरिक तथा बिदामा आएका नेपाली लैजानका लागि नेपाल एयरलाइन्सको वाइडबडी जहाजले आज जापानको नारिता चार्टर्ड उडान भर्दै /२५० यात्रु लिएर जहाज रता उड्ने ।

११.(आउँछ कि त नक्सा ?)
सत्तारुढ नेकपाको सचिवालय बैठकमा सरकारले ल्याउने नीति तथा कार्यक्रमको विषयमा छलफल /लिम्पियाधुरासहितको नेपालको नयाँ नक्सा जारी गर्ने प्रधानमन्त्री केपी शर्मा ओलीको प्रतिबद्धता ।

१२.(सेना प्रमुखले लाज पचाए)
नेपालले लिपुलेकको मुद्दा अरु कुनै मुलुकको इशारामा उचालेको भारतका सेना प्रमुख मनोज नरभानेको आरोप /विवाद निकाल्नुपर्ने कुनै कारण नरहेको र लिपुलेकमा निमार्ण गरिएको मानसरोवर जाने बाटो भारतीय भूमिमा नै रहेको दाबी ।

१३.(सरकारको आँखा खुलेपछि)
पूर्वी नेपालको अन्तिम सीमाबिन्दु ‘मेचीपारि’ समेत सरकारले अस्थायी बीओपी खडा गर्यो /असईको नेतृत्वमा चौकी राखेपछि भारतका आपराधिक समूहबाट हुँदै आएको गतिविधि रोकिएको स्थानीयको भनाई ।

१४.(सुझाव सुनौं)
भारतसँग निश्चित नाकाहरूमात्र अभिलेखीकरणको व्यवस्थासहित खुला गर्न र अन्य भागमा तारबार लगाउन साझा पार्टीको माग/ दुबै देशको हितका लागि राहदानी, नागरिकता र परिचयपत्रको आधारमा वारपारलाई नियमन गर्नुपर्ने सुझाव ।

र,
१५.(नबढेको दिन भएन)
विश्वव्यापी महामारी कोरोना भाइरसका कारण हालसम्म मृत्यु हुनेको संखया ३ लाख नाघ्यो /४५ लाख ४५ हजार बढी संक्रमित / १७ लाख १५ हजार बढी निको भएर घर फर्किए ।

Facebook Comments

विज्ञापन बक्स