दिनभरका प्रमुख खबर

0SHARES

३२ जेष्ठ २०७७ नेपाल टाईम्स
Pic: Niraj Bajracharya

आजका प्रमुख खबरहरुः

१.(सय चारको बढोत्तरी)
गुल्मीको घुर्कोटका ३६ वर्षिय पुरुषको आइसोलेसनमा उपचारका क्रममा मृत्यु भएपछि नेपालमा कोरोनाबाट मृत्यु हुनेको संख्या १९ पुग्यो /५ हजार ७ सय ६० जना संक्रमित /९ सय ७४ जना निको भए ।

२.(देशभरको आंकडा)
अहिलेसम्म देशभरी पीसीआरबाट १ लाख ३३ हजार ३ सय ७७ र आरडिटीबाट २ लाख १० हजार ७ सय २१ जनाको नमुना परीक्षण/४ हजार ७ सय ६७ जना आइसोलेसनमा/१ लाख ४३ हजार ६ सय ४१ जना क्वारेन्टाइनमा ।

३.(बाटो खोल्दै सरकार)
सरकारले अब निजी प्रयोगशालाहरुलाई पनि कोरोना संक्रमण परीक्षण गर्न दिने / जाँच गर्दा लाग्ने खर्च सरकारले नै व्यहोर्ने /निरोगिताको प्रमाणपत्रका लागि कोरोना परीक्षण काठमाडौंको वीर, त्रिवि शिक्षण अस्पताल र पाटन अस्पतालमा हुने ।

४.(सरकारी निर्णयको अवज्ञा)
सरकारको निर्णय विपरित व्यवसायीहरुले काठमाडौंमा रहेका सपिङ मलहरु असार १ गतेदेखि खोल्ने /लकडाउन लम्बिदै जाँदा घरभाडा, बैंकको ब्याजदर तथा राज्यलाई कर समेत तिर्न नसक्ने अवस्था आएको उल्लेख ।

५.(पहिरोको पीडा)
शनिबारराति कुश्मा नगरपालिका–३ दुर्लुङमा गएको पहिरोमा पुरिएर मृत्यु हुनेको संख्या ८ पुग्यो /एक जना अझै वेपत्ता /सबैजना सुतेका कारण यति ठूलो मानविय क्षति भएको स्थानीयको भनाई ।

६.(विद्यार्थीको विषय)
विद्यालय नखुलुञ्जेलसम्म कुनै शूल्क नलिन र अनलाइन कक्षा सञ्चालनका लागि निःशूल्क इन्टरनेटको व्यवस्था गर्न नेपाल विद्यार्थी संघको सरकारसँग माग /पुस्तक आयातमा लगाइको कर खारेज गर्न तथा विद्यार्थीका लागि पुस्तकको होम डेलिभरी गर्न सुझाव ।

७.(रुकुमलाई समय थप)
रुकुम घटनाको विरोधमा आइतबार पनि देशका विभिन्न ठाँउमा प्रदर्शन /घटनाको छानविनका लागि गठित समितिको म्याद एक साता थप /अनुशन्धान सकिएपनि थपिएको समयमा प्रतिवेदन लेखिने ।

८.(जो चोर उसकै ठूलो स्वर)
लिपुलेक, कालापानी र लिम्पियाधुरा समेटेर सरकारले बनाएको नेपालको नयाँ नक्सा संसदबाट पारित गरेर नेपालले वार्ताको वातावरण बिगारेको भारतको आरोप /वार्ताको वातावरण बनाउने जिम्मेवारी नेपालकै रहेको भनाई ।

९.(राष्ट्रिय सभाको वहस)
नेपाली भूमि फिर्ता लिनका लागि बलियो राष्ट्रिय एकताको आवश्यकता रहेको राष्ट्रियसभा सदस्यहरुको भनाई/ भारतीय सेनालाई हटाउने, भूमि फिर्ता गराउने र त्यहाँको बाटो नेपालको स्वीकृतिबिना चल्न नदिने बनाउनुपर्नेमा जोड ।

१०.(ऋणको कारण)
५ खर्ब २४ अर्ब ५० करोड रुपैयाँ राष्ट्रऋण उठाउने गरी सरकारले ल्याएको ‘राष्ट्रऋण उठाउने विधेयक प्रतिनिधिसभाबाट बहुमतले पारित/कुल गार्हस्थ उत्पादनको ३० प्रतिशत राजश्व नउठुन्जेलसम्म ऋणमा भरपर्नुपर्ने अर्थमन्त्री युवराज खतिवडाको भनाई ।

११.(धपेडी बढेपछि……)
एमसीसीबारे छलफल गर्न आइतबार बोलाइएको नेपाल कम्युनिष्ट पार्टीको सचिवालय बैठक स्थगित /प्रधानमन्त्री केपी शर्मा ओलीलाई धेरै धपेडी भएकाले बैठक स्थगित भएको प्रधानमन्त्रीका प्रेस सल्लाहकार सूर्य थापाको भनाई ।

१२.(श्रव्यदृश्य शिक्षा)
देशभरका ६० लाख विद्यार्थीले अब वैकल्पिक विधिबाट पढ्ने/शिक्षा तथा मानव स्रोत विकास केन्द्रले पाठ्यक्रममा आधारित भएर उत्पादन गरेको श्रव्यदृश्य असार १ गतेबाट पढाउने /बिहान १० बजेदेखि ४ घन्टा पढाइ हुने ।

१३.(पीडा थप बढ्दै)
साउदी अरवबाट आगामी जुन १५ का दिन हुने भनिएको उडान मिति तथा नयाँ हवाई भाडादरका बारेमा अर्को सुचना नआउन्जेलसम्मका लागि स्थगित/टिकट काट्ने बिषयमा विवाद हुदा मालदिभ्सबाट हुने उडान पनि स्थगित ।

१४.(निशुल्क किन नगर्ने ?)
साउदीबाट कोरोनाका कारण समस्यामा परेका नेपालीहरुको उद्दारको लागि नेपाल सरकारले तोकेको हवाई भाडादर प्रति साउदीमा क्रियाशील संस्थाहरुको गम्भीर ध्यानाकर्षण /नेपाली सरकारले दोश्रो पटक तोकेको भाडादर पनि महँगो भएको उल्लेख ।

र,
१५.(कोरानाले बेहाल)
विश्वव्यापी महामारी कोरोना भाइरसका कारण हालसम्म ४ लाख ३२ हजार बढीको मृत्यु /४० लाख ५६ हजार बढी उपचारपछि निको भए / संक्रमितको संख्या ७८ लाख ९५ हजार भन्दा बढी ।

विज्ञापन बक्स