नेपाल टाईम्स 
आजका प्रमुख खबरहरुः
१.(नाघ्यो ६ हजार)
नेपालमा कोरोना संक्रमितको संख्या ६ हजार नाघ्यो / सोमबार ४ सय ५१ जना नयाँ संक्रमित थपिएसँगै कुल संख्या ६ हजार २ सय ११ पुग्यो /१ हजार ४१ जना संक्रमित उपचारपछि निको भए ।
२.(भरिदै क्वारेन्टिन)
आजसम्म १ लाख ३८ हजार ६ सय ८३ वटा पीसीआर परीक्षण /२ लाख १९ हजार ३ सय ३६ वटा आरडिटी परीक्षण /५ हजार १ सय ५१ जना उपचाररत रहँदा १ लाख ३३ हजार ८ सय २९ जना क्वारेन्टिनमा ।
३.(थप सजग बनौं)
सरकारी तथा गैरसरकारी कार्यालयहरु आजबाट खुले/सरकारी कार्यालयसँगै गैरसरकारी कार्यालय, बैंक तथा वित्तिय संस्थाहरु पनि सञ्चालनमा÷जोर विजोर प्रणालीअनुसार सवारी सञ्चालन भएपछि सडकमा सवारीको चाप बढ्दो ।
४.(प्रधानमन्त्रीको ज्ञान)
बालबालिकाको सिकाइमा क्षति हुन नदिन वैकल्पिक सिकाई प्रक्रियाको सुरुवात गरिएको प्रधानमन्त्री केपी शर्मा ओलीको भनाई /एसइईको विकल्पमा जान अहिलेको परिस्थितिले उत्प्रेरित गरेको उल्लेख /मुलुकमा अव कुनैपनि आन्दोलनको जरुरी नभएको भन्दै अव मुलक बन्नेमा ढुक्क रहन आग्रह ।
५.(नेविसंघको राजनीति)
नेपाल विद्यार्थी संघद्वारा सरकारविरुद्ध प्रदर्शन /१० अर्बको विवरण सार्वजनिक गर्नुपर्ने, अस्पताल र क्वारेन्टाइनहरुको सुविधा विस्तार गर्नुपर्ने, स्वास्थ्य सामग्री खरिदमा भएको अनियमितताका दोषीलाई कडा कारवाहीको माग ।
६.(विदेशीको हिम्मत)
सरकारविरुद्ध प्रदर्शन गर्ने ५ विदेशी नागरिकलाई जरिवानासहित २ वर्ष नेपाल प्रवेश गर्न नपाउने गरी अध्यागमन विभागद्वारा निष्कासन /नेपाली नागरिकसँग विवाह गरी वैवाहिक भिसा लिएका एकजनालाई भने जरिवानामात्रै भराउने ।
७.(भारतीय बुझाई)
नेपाली भूमि लिपुलेक हुँदै मानसरोवर जोड्ने लिंक रोडबारे नेपालमा असमझदारी पैदा भएको भारतीय रक्षामन्त्री राजनाथ सिंहको भनाई/वार्ताकै माध्यमबाट समाधान गरिने र दुई देशबीचको सम्बन्ध कसैले भत्काउन नसक्ने उल्लेख ।
८.(सरितालाई संकट)
नक्सासम्बन्धी संविधान संशोधन प्रस्तावको विरुद्धमा उभिएकी सांसद सरिता गिरीलाई कारवाही प्रक्रिया अगाडि बढाउने समाजवादी पार्टी नेपालको संकेत /गिरीलाई पार्टी र सांसद दुवै पदबाट हटाउने तयारी ।
९.(४० अर्बको बजेट)
प्रदेश–१ सरकारद्वारा आगामी आर्थिक वर्षका लागि ४० अर्ब ८९ करोड ९९ लाख ४७ हजारको बजेट सार्वजनिक /कृषि र स्वास्थ्यलाई पहिलो प्राथमिकता/सांसद विकास कोषको बजेट घट्यो समानुपातिकको बढ्यो । प्रदेश ५ सरकारद्वारा ३६ अर्ब ३५ करोड २५ लाखको बजेट सार्वजनिक ।
१०.(कोरोना केन्द्रित बजेट)
कर्णाली प्रदेशद्वारा आगामी आर्थिक वर्षका लागि ३३ अर्ब ७४ करोड १३ लाख ५३ हजारको बजेट सार्वजनिक /कोरोना केन्द्रित कार्यक्रमको लागि १ अर्ब ५० करोड विनियोजन /बैठक भत्ता र खाजा खर्च कटौती, नयाँ गाडी नकिन्ने /गण्डकी प्रदेशद्वारा ३४ अर्ब ८४ करोड २१ लाख ६० हजारको बजेट सार्वजनिक ।
११.(कुटनैतिज्ञको सुझाव)
संयुक्त राष्ट्रसंघीय विकास कार्यक्रमका नेपालस्थित आवासीय प्रतिनिधि आइशानी लाबेद्वारा संकटको समयमा सुझबुझपुर्ण ढंगले काम गर्न जनप्रतिनिधिहरुलाई सुझाव /संकटको समयमा गरिने काम वा निर्णयहरु लक्षित बर्गमा पुगे/नपुगेकोमा सचेत हुन जोड ।
१२.(होला त कटौती ?)
विनियोजन विधेयक २०७७ माथिको छलफलका क्रममा राष्ट्रियसभा सदस्यहरुद्वारा विभिन्न मन्त्रालयमा ११ वटा खर्च कटौतीका प्रस्ताव पेश/दुवै सदनबाट संयुक्त कोभिड केन्द्रीत समिति बनाउन माग ।
१३.(सांसदको वर्गीकरण)
बजेट बनाउने बेलामा सांसदहरुको वर्गिकरण गरिएको नेकपाका राष्ट्रियसभा सदस्य रामलखन चमारको भनाई / सांसदहरुको क’, ‘ख’, ‘ग’, ‘घ’ वर्ग गरी वर्गीकरण गरी व्यवहार गरिएको र ‘घ’ वर्गमा परेकाहरुको समस्या बजेटमा नसमेटिएको गुनासो ।
१४.(ओमान टु नेपाल)
ओमानबाट सलाम एअरको विमानमार्फत १६६ नेपाली स्वदेश आइपुगे /फर्किएकाको पीसीआर जाँच गराएरै पठाइएकाले सवै सिधै होम क्वरेण्टीनमा जान पाउने /ओमानबाट असार ४ गते थप १८० नेपाली स्वदेश फर्कने ।
र,
१५.(कोरोनाको भयावह)
कोभिड १९ महामारीका कारण हालसम्म विश्वभर संक्रमितको संख्या ८० लाख नाघ्यो /४ लाख ३६ हजार बढीको मृत्यु /४१ लाख ४० हजार निको भए/संक्रमित बढ्दै गएपछि दिल्लीमा रेललाई बनाईयो उपचार केन्द्र ।
Facebook Comments