दिनभरका प्रमुख खबर

0SHARES

नेपाल टाईम्स
Pic: Niraj Bajracharya

आजका प्रमुख खबरहरुः

१.(दिनहुँ बढ्दो त्रास)
नेपालमा कोरोना संक्रमणबाट मृत्यु हुनेको संख्या २९ पुग्यो /सोमबार ४ सय ७६ जना कोरोना संक्रमित थपिएसंगै हालसम्म १३ हजार २ सय ४८ जना संक्रमित /३ हजार १ सय ३४ जना निको भए ।

२.(चेकजाँच बढ्दैछ)
सोमवारसम्म पीसीआरबाट २ लाख २३ हजार ६ सय ३० र आरडिटीबाट २ लाख ९७ हजार ८ सय ७१ जनाको नमुना परीक्षण /देशभर ५७ हजार ३ सय ६८ जना क्वारेन्टीनमा /१० हजार ८५ जना आइसोलेसनमा ।

३.(उपत्यका प्रवेशको शर्त)
अनिवार्य होम क्वारेन्टिनमा बस्ने प्रतिवद्धतासहित स्थानीय तहबाट सिफारिस लिएर आउनेलाई उपत्यका भित्रिन दिने कोभिड—१९ क्राइसिस म्यानेजमेन्ट सेन्टरको निर्णय / हवाई तथा स्थलमार्गबाट आउने सबैमा सो निर्णय लागू हुने ।

४.(को हो भेदी ?)
चीनले नेपाली भूमि अतिक्रमण गरेको भन्ने प्रतिवेदनका विषयमा अनुसन्धान जारी रहेको परराष्ट्रमन्त्री प्रदीप ज्ञवालीको भनाई/ तथाकथित प्रतिवेदनसँग सम्बन्धित व्यक्तिको पहिचान गरी कारवाहीको दायरामा ल्याइने /सगरमाथाको उचाई चीनसँगको कुराकानी पछि सार्वजनिक गरिने ।

५.(कांग्रेसको कसरत)
आफूलाई भारतले हटाउन खोजेको प्रधानमन्त्री केपी शर्मा ओलीको अभिव्यक्तिबारे नेकपाले प्रष्ट्याउनु पर्ने नेपाली कांग्रेसको भनाई /कोरोनासँग जुध्न सरकार असफल भएपछि जनताले परिवर्तन खोजेको उल्लेख ।

६.(अवसर बढाईयोस्)
कोरोनाको प्रकोपले शिक्षा क्षेत्रमा चुनौतीसँगै अवसरको विकास गरेको शिक्षामन्त्री गिरिराजमणि पोखरेलको भनाई /सबै विद्यार्थीमा समान पहुँच पु¥याउने विधि, रणनीति र तरिकाहरु अबलम्बन गर्न जरुरी रहेको उल्लेख ।

७.(प्राथमिकतामा सीमा)
सरकारले सीमा क्षेत्रमा सशस्त्रको उपस्थिति बढाउँदै /देशभर १ सय ३२ स्थानमा चौकी स्थापना /पहिलो चरणमा २ सय २१ स्थानमा चौकी स्थापना गर्नेक्रमअन्तर्गत अझै ८९ स्थानमा चौकी स्थापना गर्नुपर्ने आवश्यकता ।

८.(सभापतिको भिटो ?)
सामान्य प्रशासनमन्त्री हृदयेश त्रिपाठी र सत्तारुढ नेकपाका केही सांसदहरूको असहमतिका बीच संघीय निजामती विधेयक राज्यव्यवस्था समितिबाट पारित / विधेयकमा अहसमति जनाउँदै नेकपाका केही सांसदहरूद्वारा सभापतिसँग जवाफ माग ।

९.(कलियुगको कथा)
मकवानपुरमा घरको भान्छामा मृत भेटिएकी सुस्मिता थापाको हत्यामा संलग्न भएको आरोपमा सासु, ससुरा र दुईजना नन्दलाई पक्राउ गरी प्रहरीद्वारा सार्वजनिक / बुहारीकै कारण छोराको मृत्यु भएको आरोपमा पैसाका लागि बलात्कार प्रयास र हत्या गरेको खुलासा ।

१०.(औपचारिकतामा धान दिवस)
आज असार १५, कोरोना भाइरसको महामारी र सलह किराको त्रासका बीच पनि विविध कार्यक्रम गरी देशैभर धान दिवस मनाइयो /यस वर्ष असार १५ सम्म २२ प्रतिशत मात्रै धान रोपाई ।

११.(खोकनाको लफडा)
सुडोल फाँटमा रोपाइँ गर्न प्रहरीले अवरोध गरेपछि खोकनावासी र प्रहरीबीच विवाद /सरोकारवालासँग छलफल नै नगरि एकलौटी ढंगबाट तयार गरेको मुआब्जा स्वीकार नभएको र मौलिक बस्तीको अस्तित्व सखाप हुने भन्दै विरोध ।

१२.(सलहले सतायो)
कपिलवस्तुको तीन नगरपालिकामा करिब १० लाखभन्दा धेरै संख्याको सलहको ठूला झुण्डहरू फेला /सलहको झुन्डहरु देखिने र हराउने गर्न थालेपछि किट वैज्ञानिकहरु झुन्डको ट्रेसिङ गर्दै ।

१३.(नेप्सेबाट निराश)
लकडाउन पछि पहिलो दिन खुलेको शेयर बजारमा परिसूचक नेप्से घट्यो / नेप्से परिसूचक १२ दशमलव ८७ अंकले घटेर १ हजार १ सय ८८ दशमलव ७ अंकमा बन्द ।

१४.(किन्ने होइन बेच्ने)
सुनको मूल्य बढेर नयाँ रेकर्ड कायम भएपछि गहना खरिद गर्ने भन्दा विक्री गने बढे/ सुनको मूल्य सोमबार अहिलेसम्मकै उच्च प्रतितोला ९१ हजार ३ सय र चाँदी प्रतितोला ९ सय ४५ रुपैयाँमा तोकियो ।

र,
१५.(कोरोना तथ्याङ्क)
कोभिड १९ महामारीका कारण हालसम्म विश्वभर ५ लाख ४ हजार बढी संक्रमितको मृत्यु ÷एक करोड २ लाख बढी संक्रमित / ५५ लाख ७३ हजार बढी निको भए ।

Facebook Comments

विज्ञापन बक्स