दिनभरका प्रमुख खबर

0SHARES

२५ श्रावण २०७७ नेपाल टाईम्स
NepalTimes Samachar

आजका प्रमुख खबरहरुः

१.(हरेक दिन उस्तै)
नेपालमा आइतबारसम्म कोरोनाका कारण मृत्यु हुनेको संख्या ७५ पुग्यो /३ सय ८० नयाँ कोरोना संक्रमित थपिए/ कुल संक्रमितको संख्या २२ हजार ९ सय ७२ पुग्यो /१६ हजार ३ सय ५३ जना निको भए ।

२.(परीक्षण र उपचार)
आज आइतबारसम्म पीसीआर विधिबाट ४ लाख ४३ हजार ८ सय ४ जनाको कोरोना परीक्षण /देशभर ११ हजार ३८ जना क्वारेन्टिनमा /६ हजार ५ सय ४४ जना आइसोलेसनमा ।

३.(हटस्पट विराटनगर )
विराटनगरमा आज आइतबार मात्र २९ सहित प्रदेश १ मा ४० संक्रमित थपिए /प्रदेशमा संक्रमितको संख्या १ हजार ४ सय २३ पुग्यो /९ सय १५ जना डिस्चार्ज ।

४.(कोरोनामा नेपाली)
कोरोना भाइरस संक्रमणबाट अहिलेसम्म विदेशमा १ सय ९१ नेपालीको मृत्यु /अहिलेसम्म नेपालसहित विदेशमा रहेका ५५ हजार ९२५ जनामा कोरोना संक्रमण पुष्टि/४७ हजार ४३७ कोरोना मुक्त ।

५.(विदेशमन्त्रीले होस् गुमाए)
गौतम बुद्ध भारतमा जन्मिएको भारतीय विदेशमन्त्री एस. जयशंकरको झुटो दाबी/बुद्धको जन्मभूमिबारे राष्ट्रिय र अन्तर्राष्ट्रिस्तरमा कुनै बहसरविवाद नरहेको नेपाल सरकारको प्रष्टोक्ति /अभिब्यक्ति तथ्यहीन र आपत्तिजनक रहेको नेताहरुको प्रतिक्रिया ।

६.(क्रुरताको नमुना)
काठमाडौं गोंगबुमा अन्दाजी ४५ वर्षीय एक पुरुषको शव भेटियो/टाउको विनाको शव टुक्राटुक्रा पारेर सुटेकसमा फालिएको र टाउको केही पर झोलामा पोको पारेर फालिएको अवस्थामा शव फेला ।

७.(वीरगन्जको अवस्था)
उपचार नपाउँदा बिरामीको मृत्यु भएको भन्दै वीरगन्जको नारायणी अस्पताल अगाडि स्थानीयको विरोध प्रदर्शन /पछिल्लो तीन दिनयता वीरगन्जमा उपचार नपाएर तीन जनाको मृत्यु /निषेधाज्ञा उल्लंघन गर्नेमाथि प्रहरीद्वारा लाठीचार्ज ।

८.(कार्यान्वयन हुन्छ त ?)
कोरोना नियन्त्रणमा प्रभावकारी कार्य गर्न सरकारसंग माग गर्दै सत्याग्रहमा बसेका ‘इनफ इज इनफ’ अभियन्ता ईः ले २३ दिनका दिन अनशन तोडे /स्वास्थ्य मन्त्रालय र ‘इनफ इज इनफ’का प्रतिनिधिबीच ८ बुँदे सम्झौतापत्रमा हस्ताक्षर ।

९.(उपत्यका भित्रिन नदिने !)
उपत्यका नगरपालिका मेयर फोरमद्वारा उपत्यका प्रवेश गर्ने नाकाहरुमा कडाई गर्न सरकारलाई आग्रह / सरकारको पक्ष वा विपक्षमा हुने जुलुस, अनसन जस्ता कुराहरु प्रतिवन्ध गर्नुपर्ने माग ।

१०.(एकताका पक्षधर)
पार्टी एकता जोगाउन नेतृत्वलाई दबाब दिने भन्दै सत्तारुढ नेकपाका सांसदहरुद्वारा ६१ जनाको हस्ताक्षर संकलन गरी सार्वजनिक /विभाजनका विरुद्ध खबरदारी नेकपाका तीनवटै गुटका सांसदहरुद्वारा हस्ताक्षर ।

११.(सभापतिको जिम्मेवारी)
राष्ट्रियसभा अन्तर्गतका विषयगत समितिहरुका नवनिर्वाचित सभापतिहरुद्वारा सपथ ग्रहण /संसद पनि बन्द रहेको अवस्थामा काम कारवाही प्रभावकारी बनाउनु चुनौती थपिएको सभापतिहरुको भनाई ।

१२.(कांग्रेसको किचलो)
क्रियाशिल सदस्यहरुको संख्या नतोकिँदासम्म महाधिवेशन सम्बन्धी आचारसंहिता नलाग्ने नेपाली कांग्रेसका सह–महामन्त्री प्रकाशशरण महतको भनाई /देउवाले विभागको नेतृत्व गठन गरेर आचारसंहिता विपरित काम गरेको वरिष्ठ नेता रामचन्द्र पौडेल पक्षको आरोप ।

१३.(फड्को मार्दे विद्युत)
नेपाल विद्युत प्राधिकरणद्धारा आजबाट ‘स्मार्ट मिटर’ जडान सुरु/पहिलो चरणमा एक लाख मिटर जडान हुने/ घर घर मिटर रिडिङ गर्न जानु नपर्ने/नेपालबाट दैनिक ८० मेगावाटसम्म विद्युत भारत निर्यात हुदै ।

१४.(घटो त सुन)
लगातार बढेको सुनको भाउ आज भने तोलामा ९ सयले घट्यो /चाँदीमा भने नयाँ रेकर्ड कायम / चाँदी आज प्रतितोला १४ सय १० रुपैयाँ निर्धारण ।

र,

१५.(हरेक क्षण बढ्दै)
कोभिड १९ महामारीका कारण हालसम्म विश्वभर ७ लाख ३० हजार बढीको मृत्यु /१ करोड ९८ लाख बढी संक्रमित /१ करोड २७ लाख बढी निको भए ।

विज्ञापन बक्स