दिनभरका प्रमुख खबर

0SHARES

४ आश्विन २०७७ नेपाल टाईम्स
NepalTimes Samachar

आजका प्रमुख खबरहरुः

१.(संक्रमणको ग्राफ)
आज थप १० गरी हालसम्म कोरोनाबाट नेपालमा ४ सय ११ जनाको मृत्यु/ १ हजार ३ सय २५ संक्रमित थपिँदा ९ सय ६६ जना डिस्चार्ज/ संक्रमितको संख्या ६४ हजार १ सय २२ पुग्दा ४६ हजार २ सय ३३ जना डिस्चार्ज ।

२.(ताजा तथ्यांक)
आज आइतबारसम्म पीसीआर विधिबाट ९ लाख १४ हजार २ सय ९० जनाको कोरोना परीक्षण /देशभर १७ हजार ४ सय ७८ जना आइसोलेसनमा रहँदा ७ हजार ४ सय ५१ जना क्वारेन्टिनमा ।

३.( देश बाहिरको ब्यथा)
कोरोना संक्रमणबाट नेपाल बाहिर १७ देशमा कार्यरत २ सय ४४ नेपालीको मृत्यु/अहिलेसम्म विश्वका ४२ देशमा रहेका नेपाली सङ्क्रमित भएको एनआरएनएको तथ्यांक ।

४.(को आउलान् को जालान् ?)
मन्त्रिमण्डल पुर्नगठन गर्ने सत्तारुढ दल नेकपाको सचिवालय बैठकको निर्णय /कसलाई पठाउने भन्ने विषयमा छलफल नभएपनि आवश्यकता अनुसार प्रधानमन्त्रीसँग छलफल गर्ने निष्कर्ष /बैठक भोली पनि बस्ने ।

५.(सुन्ने मात्रै त होला ?)
सरकारी सेवा प्रवाहमा भएका कमजोरीबारे गुनासो सुन्ने र समाधान गर्ने निकाय हेलो सरकार फेरि सक्रिय /११११ वा हेलो सरकारको फेसबुक, ट्विटरलगायतका सामाजिक सञ्जालमा बिहान सातदेखि साँझ सात बजेसम्म गुनासा टिपाउन सकिने ।

६.(के गर्ला सर्वाेच्चले ?)
इँटा भट्टामा हालेर जिउँदै मान्छे जलाएको अभियोग लागेका काग्रेस नेता तथा पूर्वमन्त्री मोहम्मद अफताब आलमबारे सर्वोच्च अदालतले माग्यो कैफियत प्रतिवेदन /उच्च र जिल्लाको आदेश बदर गरिपाउँ भन्दै आलमले दिएको निवेदनको सुनुवाई गर्दै घटनादेखि अदालतको आदेशसम्मका विवरण पेश गर्न सर्वाेच्चको आदेश ।

७.(फोहोरका लागि)
बञ्चरेडाँडा ल्याण्डफिल्ड साइड निर्माणको काम दशै अगाडि नै सम्पन्न हुने सहरी विकास राज्यमन्त्री रामवीर मानन्धरको भनाई /ल्याण्ड फिल्डसँग जोडिएका अरु क्षेत्रको काम पनि अगाडि बढेको उल्लेख ।

८.(कुरा त ठीकै हो ?)
सबै सिटमा यात्रु राखेर पूरानै भाडामा यातायात संचालन गर्ने यातायात व्यवसायीको चेतावनी/पहुँचकै आधारमा जहाजमा पूरा सिटमा मान्छे राख्न दिएर सार्वजिनक बसमा विभेदकारी नीति ल्याएको आरोप ।

९.(भोलि उड्ने दिन)
आन्तरिक वायुसेवा कम्पनीहरुले भोलि सोमबारबाट सबै सिटमा यात्रु राखेर उडान भर्ने तत्काल भाडा भन नबढ्ने /यात्रुले बोर्डिङ पास लिनु अगाडि हेल्थ डिक्लेरेसन फारम भर्नुपर्ने ।

१०.(के गर्देछन् केसी ?)
चिकित्साशिक्षा सुधार र कर्णाली स्वास्थ्य विज्ञान प्रतिष्ठानमा एमबीबीएसलगायत कार्यक्रम तत्काल सञ्चालन गरिनुपर्ने माग राखी अनशनरत डा. गोविन्द केसीलाई अस्पताल लगियो /अस्पताल लगिएपनि कुनै उपचार नलिने केसीको अडान ।

११.(अन्तिम बाटो आन्दोलन)
नियमित तलबको माग तथा कर्मचारी कटौतीको विरोधमा निजी विद्यालयमा कार्यरत शिक्षक तथा कर्मचारीहरूद्वारा आन्दोलनका कार्यक्रम सार्वजनिक /ज्ञापनपत्रसहित देशभरीका प्रमुख शहरहरूमा विरोध ¥याली र कोणसभा गर्ने लगायतका कार्यक्रम ।

१२.(पशुपतिको ढोका खुल्दै)
दर्शनार्थीको सुविधालाई मध्यनजर गर्दै स्वास्थ्य सुरक्षाका मापदण्ड अपनाएर पशुपतिनाथ मन्दिर खुला गर्ने तयारी /विशेष पूजा भने नगरिने, पश्चिमद्वार हुँदै भुवनेश्वरीबाट मात्र प्रवेश गरी मुल ढोकाबाट नै दर्शन गरी फर्किनुपर्ने ।

१३.(प्याज भित्रको खेल)
नेपालमा प्याजको खपत दिनप्रतिदिन बढ्दै/ नेपालमा करिब ४ लाख मेट्रिकटन वार्षिक खपत हुने भएपनि नेपालको उत्पादन ३ लाख मेट्रिकटन रहदा मूल्यमा अत्याधिक वृद्धि हुने स्थिति नरहेको बागवानी विकास अधिकृत भरतबहादुर आचार्यको भनाई ।

१४.(किन भयो उपेक्षा ?)
धेरै विधाका मानिसलाई सरकारले संविधान दिवसको अवसर पारेर विभुषित गरेपनि सागमा पदकधारी खेलाडीके उपेक्षा गरेको भन्दै सर्वत्र आलोचना /गणतन्त्र आएपछि खेलकुदलाई बेवास्ता गरेको भन्दै खेलाडी संघको दुःखेसो ।

र,

१५.(विश्वमा यस्तो छ )
कोरोना महामारीबाट हालसम्म विश्वभर ९ लाख ६२ हजार बढीको मृत्यु /हालसम्म कुल संक्रमित ३ करोड १० लाख बढी पुग्दा २ करोड २६ लाख बढी उपचारपछि निको भए ।

विज्ञापन बक्स