दिनभरका प्रमुख खबर

0SHARES

१६ मंसिर २०७७ नेपाल टाईम्स

आजका प्रमुख खबरहरुः

१.(केकले कमाल गर्ला ?)
सत्तारुढ नेकपाको सचिवालय बैठक महासचिव विष्णु पौडेलको जन्मदिनको अवसरमा केक काटेर बालुवाटारमा सुरु /अध्यक्षद्वय केपी शर्मा ओली र पुष्पकमल दाहालको दुवै प्रस्तावमाथि छलफल सुरू/ बुधबार पनि जारी रहने बैठकले विवादको जड खोजी गर्ने ।

२.(बर्दियाको कम्पन)
बर्दिवासमा बालिका हत्याको विरोधमा भएको प्रदर्शनमा प्रहरीले गोली चलाउँदा एकजनाको मृत्यु भएको प्रकरणमा मुछिएका दुई जना प्रहरी जिल्ला तानिए /घट्ना छानबिनका लागि गृह मन्त्रालयले बनाएको समितिका पदाधिकारी महोत्तरी पुग्दै ।

३.(राजावादीमाथि लगाम)
काठमाण्डौका विभिन्न ठाउँमा भईरहेका सभा, जुलुस, प्रदर्शनजस्ता क्रियाकलाप तत्काल बन्द गरेर कोरोना सङ्क्रमणको रोकथाममा सहयोग गर्न जिल्ला प्रशासनको आग्रह / भिडभाडजन्य गतिविधि सञ्चालन गरेको पाइए कारबाही गर्ने चेतावनी ।

४.(गरे त हुने रहेछ )
काठमाडौं महानगरपालिकाले पीसीआर परीक्षणका लागि नागरिकको घरघरमा गएर स्वाव संकलनको कामलाई तिव्रता दिँदै /संक्रमणको दर बढिरहेकाले अनावश्यक रुपमा घर बाहिर ननिस्किन पनि सर्वसाधारणहरुलाई आग्रह ।

५.(नेपालमा आज)
नेपालमा २४ घण्टामा थप २१ कोरोना संक्रमितको मृत्यु/आजै १३ सय ४ नयाँ संक्रमित थपिँदा २ हजार ७३ डिस्चार्ज /देशभर १६ हजार ६ सय ३३ जना सक्रिय संक्रमित ।

६.(कहाँ बनाउने शवदाह गृह ?)
पोखरा शान्तिवन क्षेत्रमा विद्युतीय शवदाह गृह बनाउन लागिएको भन्दै स्थानीयको विरोध /वन फडानी गरेर निर्माण गर्न लागिएको शवदाह गृहविरुद्ध उच्च अदालतमा परेको मुद्दा अझै विचाराधीन / क्षेत्राधिकार नाघेर दाहसंस्कार समितिका नाममा जग्गा बाँडफाँड गरेपछि स्थानीय आक्रोशित ।

७.(पढ्ने कि सुरक्षित हुने ?)
त्रिभुवन विश्वविद्यालय अन्तर्गतका सबै क्याम्पस, विभाग र स्कुलहरूमा अब नियमित पठनपाठन हुने / पूर्वतयारी र स्वास्थ्य सतर्कता अपनाउँदै परीक्षा र नियमित पठनपाठनहरु भौतिक रुपमै सञ्चालन गरिने ।

८.(राजधानीको थाकथलो)
स्थायी राजधानीको लागि लुम्बिनी प्रदेश सरकारद्वारा दाङको देउखुरीमा जग्गा प्राप्तिको प्रक्रिया सुरु /राप्ती प्राविधिक शिक्षालयमा रहेको १७ बिगाह १९ कट्ठा जमिन प्रदेश सरकारले उपयोगका लागि केन्द्र सरकारसँग माग गर्ने ।

९.(बुद्ध हाम्रा हुन !)
संयुक्त राज्य अमेरिकाको न्यूयोर्क राज्यको माध्यमिक तहका पाठ्यक्रममा शान्तिका अग्रदूत गौतम बुद्ध भारतमा जन्मिएको भनी राखिएको गलत विवरण सच्याइयो/समाजसेवी ज्ञानल थापाको पहलमा राज्य शिक्षा विभाग त्रुटि सच्याउन तयार ।

१०.(काम देखियोस्)
हुम्लाको सिमिकोट विमानस्थलको महत्व सोलुखुम्बुको लुक्ला जत्तिकै भएको पर्यटनमन्त्री योगेश भट्टराईको भनाई /सिमिकोट विमानस्थललाई पर्यटकीय हबको रुपमा विकास गर्ने भट्टराईको प्रतिवद्धता ।

११.(कोरलामा नयाँ नाका)
मुस्ताङको कोरलामा सुख्खा बन्दरगाह निर्माण गर्न सरकारले थाल्यो अध्ययन /चीनसँगको तेस्रो नाकाबाट दुई देशीय व्यापार अभिवृद्धि गर्न कोरला पासको अध्ययन सुरु भएको इन्टरमोडल यातायात विकास समितिको भनाई ।

१२.(नयाँ जोश नमरोस्)
निर्यात व्यवसायलाई अर्थतन्त्रको इन्जिनको रुपमा विकास गर्नेगरी आफ्नो दृष्टिकोण तयार गर्ने नेपाल उद्योग वाणिज्य महासंघको भनाई /निर्यातजन्य उद्योग व्यवसायको कस्ट अफ फण्ड घटाउन महासंघले सरकारसँग पहल गर्ने ।

१३.(फुटवलमा धक्का)
न्यूनतम मापदण्ड नपुगेको भन्दै नेपालका फुटबल क्लबलाई एसियाली फुटबल महासंघ (एएफसी) का प्रतियोगिता खेल्न क्लब लाइसेन्स दिन अस्वीकार/एन्फाले दुई वर्षका लागि मापदण्ड पूरा गर्ने समय दिन एएफसीसँग अनुरोध गर्न सक्ने ।

१४.(चर्चा खोपको)
उत्तर कोरियाली नेता किम जोङ उनले चीनले निर्माण गरेको कोरोना भाइरसविरुद्धको खोप लगाएको अमेरिकी विज्ञको दाबी/कोभिड खोप विकास गरेको अमेरिकी कम्पनी मोडर्नाले माग्यो अमेरिका र युरोपमा खोपको प्रयोगका लागि अनुमति ।

र,

१५.(आजको विश्व)
विश्वव्यापी महामारीका कारण हालसम्म विश्व १४ लाख ७६ हजार बढी संक्रमितको मृत्यु /६ करोड ३६ लाख बढीमा संक्रमण पुष्टि हुँदा ४ करोड ४० लाख बढी उपचारपछि निको भए ।

विज्ञापन बक्स