दिनभरका प्रमुख खबर

0SHARES

११ माघ २०७७ नेपाल टाईम्स

आजका प्रमुख खबरहरुः

१.(अदालतमा ‘तमासा’ !)
प्रतिनिधिसभा विघटनको सूचना छापिएको राजपत्रको आधिकारिकता जाँच गर्न माग गर्दै सर्वोच्च अदालतमा निवेदन पेश /अदालतमा भइरहेको बहसलाई प्रधानमन्त्रीले ‘तमासा’ भनेको विषय अदालतमा उठेपछि बाहिर भइरहेको कुराबारे चर्चा नगर्न प्रधानन्यायाधीशको आग्रह ।
२.(महँगो हँुदै बोली)
सर्वोच्च अदालतमा प्रधानमन्त्री केपी शर्मा ओलीविरुद्ध अदालतको अवहेलनाको निवेदन पेस /प्रधानमन्त्रीबाट बरिष्ठ अधिवक्ता कृष्णप्रसाद भण्डारीको मानमर्दन भएकाले सार्वजनिक रूपमा माफी माग्नुपर्ने नेपाल बार एसोसिएसनका चार पूर्वअध्यक्षहरूको भनाई ।

३.(शासकको परिभाषा)
संसद विघटनलाई असंवैधानिक भन्नेहरु देशविरोधी भएको प्रधानमन्त्री केपी शर्मा ओलीको भनाई /आफुले शासक बन्नेगरी हातमा केही नराखेको भन्दै जनतालाई निर्णय गर्न दिने कुरा तानाशाह नभएको स्पष्टोक्ति/कसैलाई अभिभावकविहीन बन्न नदिने प्रतिबद्धता ।

४.(अविश्वासको अभिब्यक्ति)
कांग्रेसले कम्युनिष्टको एजेन्डा नभइ आफ्नै एजेन्डामा जानुपर्ने कांग्रेस नेता रामचन्द्र पौडेलको भनाई/सर्वोच्चमा सेटिङ गर्ने प्रधानमन्त्रीले कस्तो चुनाव गराउँछन् भन्ने प्रश्न/अदालतलाई केही भन्नु हुँदैन भनेर जनतालाई धोका दिन नहुने तर्क ।

५.(पुनस्र्थापनाले पनि नहुने)
संसद पुनस्र्थापना भएपनि सत्तारुढ नेकपाको कारण समस्या समाधान नहुने जसपा नेपालका अध्यक्ष महन्थ ठाकुरको भनाई /संसद विघटनको कदमलाई खारेजी गर्नु नै प्रतिगमनलाई परास्त गर्नु रहेको उपेन्द्र यादवको तर्क ।

६.(सतहमै संक्रमण)
नेपालमा कोरोना संक्रमणबाट ज्यान गुमाउनेको संख्या २ हजार नाघ्यो /आज थप २७० जना संक्रमण पुष्टि हुँदा ४०३ संक्रमणमुक्त भई डिस्चार्ज /देशभर सक्रिय संक्रमितको संख्या ३३१२ पुग्यो ।

७.(खोप दिने मिति)
माघ १४ गते बुधबार विहान १० बजेदेखि कोरोनाविरुद्धको खोप अभियान सुरु हुने / प्रधानमन्त्री केपी शर्मा ओलीले अभियानको उद्घाटन गर्ने /पहिलो चरणमा फ्रन्टलाइनमा रहेर काम गरिरहेकाहरुलाई दिइने ।

८.(गाँसमाथि धावा ?)
कृषिको प्राथमिक उत्पादनको क्षेत्रमा वैदेशिक लगानी भित्र्याउने सरकारी निर्णयको विरोधमा सरोकारवालाहरुको प्रदर्शन/सरकारले प्राथमिक तहमा वैदेशिक लगानी भित्र्याएर किसानहरुको गाँस खोस्न खोजेको आरोप ।

९.(प्रविधि मैत्री भन्सार)
कृषि जन्य वस्तुहरुको आयात निर्यातमा सन्तुलन कायम गर्न भन्सारलाई अनलाइन प्रणालीमा विकास गर्नुपर्ने कृषि मन्त्री पद्माकुमारी अर्यालको भनाई/प्रविधिमा रुचि भएका दक्ष कर्मचारीहरुलाई सम्बन्धित निकायमा राख्ने योजना ।

१०.(मेलम्ची अब फागुनमा)
खानेपानी मन्त्री मणिचन्द्र थापाद्वारा मेलम्ची खानेपानी आयोजना अन्र्तगत सुन्दरीजल क्षेत्रको सुरुङमार्गको अवलोकन /सुरुङमा थालिएको सुधारको काम तीन हप्तामा सकेर फागुन पहिलो साताबाट पानी पठाई परीक्षणको काम सुरु गरिने ।

११.(जेठमा जनगणना)
राष्ट्रिय जनगणना, २०७८ का लागि गणक र सुपरिवेक्षकका लागि ४७ हजार दरखास्त आव्हान / जनशक्ति अपुग भएमा शिक्षक र सरकारी कर्मचारीको प्रयोग गरी जनगणना गरिने÷बाह्रौ जनगणना २०७८ जेठ देखि हुने ।

१२.(ऋणी नेपाली)
मङ्सिरसम्ममा नेपाल सरकारको सार्वजनिक ऋण बढेर १४ खर्ब बढी पुग्यो/पाँच महिनामा ४४ अर्ब भुक्तानी /हरेक नेपालीको भागमा ४६ हजार रुपैयाँ ऋण रहेको अर्थ मनत्रालयको तथ्याङ ।

१३.(म्यानपावर आन्दोलित)
व्यवसायीको समस्या समाधानमा गम्भीर नभएको, अनुगमनका नाममा आतंक सिर्जना गर्न खोजेको लगायतका १७ बुँदे माग राख्दै म्यानपावर व्यवसायीहरु आन्दोलित /माग सम्बोधन नभए तालाबन्दी देखि देश नै ठप्प पार्ने चेतावनी ।

१४.(क्रिकेट र फुटबल)
राष्ट्रिय महिला लिगमा एपिएफले विराटनगरलाई ७–० ले हराउँदा आर्मीले पनि वालिङलाई ७–० ले नै हरायो /प्रधानमन्त्री क्रिकेट कपमा लुम्बिनी र बागमती प्रदेश बराबरीमा रोकिँदा सुदूरपश्चिमद्वारा प्रदेश दुई ३ विकेटले पराजित ।

र,

१५.(भारतमा थ्रेट)
भारतको राजधानी दिल्लीसहित अयोध्या र बोधगयामा आतंकवादी आक्रमणको सूचना पाएपछि सुरक्षा सतर्कता बढाइयो /रोहिंग्या घुसपैठको एक समूहले दिल्लीमा आक्रमण गर्न सक्ने आशंका ।

विज्ञापन बक्स