नेपाल टाईम्स 
आजका प्रमुख खबरहरुः
१.(बोलीले बितायो !)
अदालतको अवहेलना सम्बन्धी मुद्दामा प्रधानमन्त्री केपी ओलीसहित चार जना पूर्वप्रधानन्यायाधीश र पूर्वसभामुख दमननाथ ढुंगानालाई अदालत आएर लिखित जवाफ दिन सर्वोच्चको आदेश/सात दिनभित्र आफैं आएर लिखित जवाफ दिन आदेश जारी ।
२.(जंगल कि शहर ?)
जनयुद्धमा कार्यकर्तालाई जंगलमा राखे पनि प्रचण्ड भने दिल्लीमा बसेको प्रधानमन्त्री केपी शर्मा ओलीको टिप्पणी/प्रचण्डलाई ०७४ सालको चुनावमा चितवनमा आफूहरूले जिताएको दाबी/ केही सञ्चार माध्यमले सरकारका राम्रा काम नदेखेको तर्क ।
३.(विरोधका स्वरुप)
नेकपा दाहाल–नेपाल समूहको बिहीबार पनि माइतीघर मण्डलामा संसद विघटनको विरोधमा धर्ना / देशभक्त जनगणतान्त्रिक मोर्चा नेपालद्वारा कार्टुन प्रदर्शनी मार्फत सरकारको कदमको विरोध ।
४.(मसालले नपोलोस् !)
प्रतिनिधिसभा विघटनको विरोधमा प्रचण्ड माधव समूहद्वारा विराटनगरमा मसालु जुलुश प्रर्दशन/ संसद पुनस्र्थापना र प्रधानमन्त्री ओली विरुद्धका नारा लगाउदै नगरका विभिन्न भागको परिक्रमा ।
५.(बन्ला त निर्णायक ?)
देश जोगाउन निर्णायक संघर्षमा उत्रनुको विकल्प नरहेकाले माघ २८ को जनप्रदर्शन निर्णायक हुने पुष्पकमल दाहालको दाबी / केपी ओलीले देशलाई कालो सुरुङमा हालेको आरोप /प्रतिगमनविरुद्ध जनता सडकमा ओर्लिसकेको तर्क ।
६.(नाम रुजु गरौं)
निर्वाचन आयोगद्वारा आजदेखि देशैभरका पालिकामा मतदाता नामावली अद्यावधिक कार्यक्रम सुरु / अबका दुई दिन नामावलीमाथि दाबी विरोध गर्न पाइने /आउँदो २१ गतेसम्म नामावली अद्यावधिक गरिने ।
७.(जापानको जाँगर)
जापान सरकारले निर्माण गरेको वि.पी. राजमार्ग भूकम्पपछिको पुनर्निर्माण सकेर नेपाल सरकारलाई हस्तान्तरण /आगामी दिनमा पनि जापान सरकारले सडक पूर्वाधार निर्माणमा सहयोग जारी राख्ने भौतिक पूर्वाधारमन्त्री वसन्तकुमार नेम्बाङको विश्वास ।
८.(स्वास्थ्यकर्मीको बाध्यता)
सम्झौता गरेअनुसार बाँकी रहेको पारिश्रमिक नदिएको भन्दै मनमोहन मेमोरियल अस्पतालका स्वास्थ्यकर्मी तथा कर्मचारीहरु आन्दोलित/सहमतिको तीन महिना बितिसक्दा पनि पारिश्रमिक उपलब्ध नगराएको भन्दै जायज माग सम्बोधन गर्नुपर्र्ने माग ।
९.(कोरोनाका कुरा)
नेपालमा आज थप २१३ जनामा संक्रमण पुष्टि हुँदा २९६ जना डिस्चार्ज / सक्रिय संक्रमित ३ हजार २ सय ३ पुग्दा हालसम्म २०२० जनाको मृत्यु /भारतबाट छिट्टै दोस्रो चरणको खोप नेपाल आउने सरकारको भनाई ।
१०.(स्वस्थानीको महिमा)
प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिना विधिपूर्वक गरिने स्वस्थानी व्रत आजदेखि सुरु /स्कन्द पुराणको केदार खण्डअन्तर्गत माघ माहात्म्यको कुमार अगस्त्यबीच संवाद भएको स्वस्थानी व्रत कथा सुन्ने सुनाउने परम्परा ।
११.(पैसा नतिरेपछि……)
उखु किसानको भुक्तानी नदिएको आरोपमा अन्नपूर्ण एवं इन्दिरा सुगर मिलका सञ्चालक राकेश अग्रवाल पक्राउ /अग्रवालले किसानलाई साढे ४ करोड भुक्तानी तिर्न बाँकी ।
१२.(आउने भो त मल ?)
अबको १५ दिनभित्र बंगलादेशबाट ५० हजार मेट्रिक टन रासायनिक मल नेपाल आइपुग्ने / किसानको माग साढे ७ लाख मेट्रिक टन रहेको भए पनि साढे ४ लाख मेट्रिक टन मलका लागि मात्रै पैसाको बन्दोबस्त ।
१३.(भ्रष्टको पहिचान)
नेपालमा भ्रष्टाचार अझ बढेको ट्रान्सपरेन्सी इन्टरनेशनलको प्रतिवेदन सार्वजनिक /नेपाल भ्रष्टाचार हुने देशहरूको सूचीको ११७ औँ स्थानमा /भ्रष्टाचारका कार लोकतन्त्रलाई समेत पछाडि धकेलेको उल्लेख ।
१४.(फाइनल समिकरण)
बागमती प्रदेशमाथि ९४ रनको जित निकाल्दै त्रिभुवन आर्मी प्रधानमन्त्री कप पुरुष राष्ट्रिय क्रिकेटको फाइनलमा प्रवेश /आर्मीले फाइनल एपिएफसँग शनिवार खेल्ने/राष्ट्रिय महिला लिगमा नेपाल पुलिसमाथि एपिएफको ३–० को सहज जित ।
र,
१५.(कोरोनाको अनुशन्धान)
महामारीको उत्पत्ति बारे अनुसन्धान गर्न चीनको वुहान पुगेको डब्ल्यूएचओ टोलीको क्वरेण्टीन अवधि पूरा/ टोलीद्वारा कोरोना भाइरसको उत्पत्ति बारेमा ‘फिल्ड’ जाँच सुरु / प्रारम्भिक चरणमा अस्पताल र सी–फुड बजारमा रहेकाहरुसँग अन्तर्वार्ता लिने ।
