दिनभरका प्रमुख खबर

२२ माघ २०७६
Pic: Niraj Bajracharya

आजका प्रमुख खबरहरुः

१.(अनियमितताको लहरो)
बालुवाटारस्थितको सरकारी जग्गा व्यक्तिको नाममा र्पुयाएको भन्दै कांग्रेस उपसभापति विजय कुमार गच्छदार /अख्तियारका पूर्वप्रमुख दीप बस्न्यात लगायत १ सय ७५ जनाविरूद्ध अख्तियारद्दारा भ्रष्टाचार मुद्दा दायर ब्यापारी मीनबहादुर गुरुङविरुद्ध पनि मुद्दा दर्ता ।

२.(गच्छदार निलम्बित)
अख्तियारले विशेष अदालतमा भ्रष्टाचार मुद्दा दायर गरेसँगै कांग्रेस संसदीय दलका उपनेता बिजयकुमार गच्छदार प्रतिनिधिसभा सदस्यबाट स्वतःनिलम्बित /मुद्दा अन्तिम किनारा नलागेसम्म सांसदको हैसियतमा संसदमा जान नपाउने ।

३.(हत्याको विरोध)
वडाध्यक्ष हत्याको छानबिनको मागगर्दै अछामको बिनायक बजार बन्द/अनुसन्धानमा प्रहरीले ढिलाइ गरेको आफन्तको आरोप /घटनाबारे सोधपुछकालािग सातजना प्रहरी नियन्त्रणमा ।

४.(कोरोनामा पनि राजनीति)
चीनमा रहेका नेपालीलाई स्वदेश फर्काउने तयारी पूरा भएको र नेपालमा राख्ने ठाउँको टुङ्गो लागेपछि फर्काउने नेपाली दूतावासको भनाई /भक्तपुरको कुनैपनि स्थानमा राख्न नदिने नेपाली कांग्रेसको भक्तपुरको चेतावनी/नागार्जुन नगरपालिकाले पनि राख्न नदिने निर्णय ।

५.(ओलाङचुङगोला बन्द)
कोरोना भाइरसको सक्रमण फैलन सक्ने भन्दै केहीसमयसम्मका लागि चीनद्वारा ताप्लेजुङको ओलाङचुङगोला नाका बन्द/ नाका बन्द हुँदा एक/दुई महिनासम्म कुनै समस्या नहुने तर बर्खाको समयमा भने बन्द हुदा समस्या हुने ।

६.(अभाव कहाँ छैन ?)
पर्यटन प्रवद्र्धनकालागि प्रर्याप्त स्रोत साधन, जनशक्ति र बजेट नभएको पर्यटनमन्त्री योगेश भट्टराईको भनाई / संग्राहलयको मापदण्डमा रहने नारायणहिटीमा कुनै होटल वा व्यापारिक संरचना नबन्ने प्रस्टोक्ति ।

७.(सांसदलाई गनेनन्)
राष्ट्रियसभाको भूमिकाबारे नकारात्मक टिप्पणी हुने गरेको भन्दै राष्ट्रियसभा सदस्य जितेन्द्र नारायण देवको असन्तुष्टि /राष्ट्रियसभाको संबैधानिक वास्तविकता बारे जनतामाझ जान नसकेका कारण बुझाई फरक हुन गएको टिप्पणी ।

८.(जनताको आवाज)
चीनबाट फैलिएको कोरोना भाईरसभन्दा पनि खतरनाक भ्रष्टाचार नामको भाईरस नेपालमा फैलिएको भन्दै त्यस तर्फ चिन्तन गर्न सरकारलाई सांसद रामप्रित पासवानको सुझाव/ भ्रष्टाचार, वेरोजगारी र चर्को बजार मूल्यप्रति बैठकमै कविता वाचन ।

९.(पर्यटनको आशा)
५ वर्षभित्र निजगढ अन्तर्राष्ट्रिय विमानस्थलबाट व्यवसायीक उडान सुरु गरिने पर्यटन मन्त्री योगेश भट्टराईको भनाई/ निजगढ विमास्थलको निर्माण सम्पन्न भएपछि वार्षिक १ करोड पर्यटक नेपाल घुम्न आउने दाबी ।

१०.(पत्रकारिताको पाठ्यक्रम)
नैतिक र सामाजिक मूल्य मान्यतामा आधारित पत्रकारिताकालागि अनुसन्धानात्मक पाठ्यक्रमको विकास गर्नुपर्ने अर्थमन्त्री डा. युवराज खतिवडाको भनाई /सरकारले आम सञ्चारका पूर्वाधारहरुको विकासमा ध्यान दिएको उल्लेख ।

११.(सेनामाथिको विश्वास)
कर्णाली कोरिडोरको हुम्लाको छारे भिरमा सडकको ट्रयाक खोल्न नेपाली सेनालाई जिम्मा नदिए दश वर्षसम्म हुम्ला सदरमुकाममा सडक नजोडिने सांसदहरुको भनाई /हुम्ला कोरिडोरको कामलाई पहिलो प्राथमिकतामा राख्न जोड ।

१२.(नियमित कार्य)
संसदका अन्तर्राष्ट्रिय सम्बन्ध समितिमा नेपाल भ्रमण वर्ष २०२० को कार्यान्वयन, विदेशी नागरिकहरुको विमान भाँडादर र वार्षिक कार्ययोजना कार्यान्वयन सम्बन्धमा छलफल /भ्रमण वर्ष सफलपार्न सांसद्हरुको विभिन्न सुझाव ।

१३.(लाओसलाई धन्यवाद)
लाओसले अन्तरिक्षमा नेपालले स्याटेलाइट राख्न प्राप्त गरेको स्लटमा पेश गरेको विरोधको सूचना फिर्ता लियो /सरकारले स्याटेलाइटको लागि जीटुजी सम्झौताको तयारी गरिरहँदा लाओसले आफ्नो फाइलिङ झिकेपछि अब बाधा नपर्ने ।

१४.(नेपाल निराश)
आइसिसी विश्वकप लिग–२ अन्तर्गत एकदिवसीय अन्तर्राष्ट्रिय खेलमा नेपाल ओमानसँग १८ रनले पराजित/ अब नेपालले अर्को खेल अमेरिकासँग शनिबार खेल्ने ।

र,
१५.(विवादमा ट्रम्प)
अमेरिकी राष्ट्रपति डोनाल्ड ट्रम्प र हाउस अफ् रेप्रिजेन्टेटिभ्सकी सभामुख नान्सी पेलोसीबीचको कलह फेरि एक पटक सतहमा/ सम्बोधनपछि राष्ट्रपति ट्रम्प ‘दक्षिणपन्थी नायक’ बन्न खोजेको विपक्षी सांसद्हरुको आरोप ।

विज्ञापन बक्स