देश टुक्राउने कुरा कुनैपनि हालतमा स्विकार्य हुन्न, अवश्य कानुनी कार्बाही हुन्छ : गृहमन्त्री थापा

0SHARES

१४ आश्विन २०७५ नेपाल टाईम्स

विराटनगर,असोज १४
गृहमन्त्री रामबहादुर थापा बादलले देश टुक्राउने चहानेहरुलाई सरकारले कुनैपनि हालतमा छुट नदिने बताएका छन् ।

उनले मुलुकलाई टुक्राउने अभियानमा लागेका जो कसैलाई पनि सरकारकाले प्रचलित ऐन,कानुन अनुसार कार्बाही गरेर छाड्ने दाबी समेत गरे ।
विराटनगर बिमानस्थलमा आईतबार बिहान स्थानीय संचारकर्मीहरुसंगको कुराकानीमा गृहमन्त्री थापले भने‘ अहिलेको सरकार मुलुकको रक्षा,स्वधिनताको पक्षमा छ ,देश टुक्राउने कुरा कुनैपनि हालतमा स्विकार्य हुन्न, अवश्य कानुनी कार्वाही हुन्छ’।

गृहमन्त्री थापाले शान्ति सुरक्षा निकै कमजोर रहेको छ भनी सरकारको आलोचना भईरहेको छ नी भनेर संचारकर्मीले राखेको जिज्ञासामा मन्त्री थाथाले सरकारले ६ महिनामा शान्ति सुरक्षाको अबस्थामा निकै सुधार भएको भन्दै सरकारको कामको बचावट गरे ।

उनले कंचनपुरकी बालिका निर्माला पंन्तको बलात्कारपछि हत्या गरिएको प्रतिवेदन उच्च स्तरीय छानबिन समितिले सरकारलाई प्रतिबेदन बुझाइसकेकाले समय आएपछि सार्बजनिक गर्ने जानकारी दिए ।

गृहमन्त्री थापाले सरकारलाई घेराबन्दी गर्ने षड्यन्त्र भइरहेको दोह¥याए । उनले सरकारले राम्रो काम गर्दा घेराबन्दी गर्ने र सरकार नै गिराउनेसम्मको षड्यन्त्र भइरहेको बताएका हुन् ।

गहमन्त्री थापा केही दिन अघि हत्या गरिएका सुनसरी– हरीनगराका खुर्शिद आलम अन्सारीका परिवारलाई भेट्न गृहमन्त्री थालो आइतबार सुनसरी आएका हुन् ।

विज्ञापन बक्स