नयाँ मुुलुकी संहिताको सफल कार्यान्वयनकालागि विराटनगरमा प्रादेशिक सम्मेलन

0SHARES

१ असार २०७५ नेपाल टाईम्स

विराटनगर,असार १

प्रहरी प्रधान कार्यालय अपराध अनुसन्धान विभाग काठमाडौको आयोजनामा विराटनगरमा अनुसन्धानकर्ता प्रहरी र अभियोजनकर्ता सरकारी वकिलहरुको दुइदिने प्रादेशिक सम्मेलन सुरु भएको छ ।

कार्यक्रममा बोल्दै प्रहरी प्रधान कार्यालय अपराध अनुसन्धान विभागका डिआइजी धिरु बस्न्यातले भदौ १ गतेबाट लागू हुने नयाँ मुुलुकी संहिताको सफल कार्यान्वयनकालागि अपराध अनुसन्धानकर्ता र अभियोजनकर्ता बीच समन्वन हुन जरुरी रहेको बताए ।

उनले अपराध अनुसन्धानमा शून्य सहनशिलताको सिद्धान्त अपनाउन आग्रह समेत गरे । त्यस्तै कार्यक्रममा बोल्दै प्रदेश एकका डिआइजी केदार रिजालले भदौ एक गतेदेखि लागु हुने नयाँ संहिता कार्यान्वयनका लागि प्रदेश एकका सुरक्षाकर्मी तयार अवस्थामा रहेको जानकारी दिए ।

नया संहिता कार्यान्वयन लगायतका विषयमा प्रदेशका सबै सुरक्षाकर्मीहरुलाई विभिन्न समयमा अनुशिक्षण तालिमको दिइएको उनले बताए । कार्यक्रममा मुलुकी अपराध ऐन २०७४ ले परिभाषित गरेका नयाँ कसुरहरु, मुलुकी फौजदारी कार्यविधि ऐन २०७४ ले गरेको अपराध अनुसन्धान सम्बन्धी व्यवस्थाको कार्यान्वयनमा अनुसन्धानकर्ता र अभियोजनकर्ताहरुको भूमिका, अपराध अनुसन्धानमा प्रमाणको संकलन प्रस्तुतीकरण र प्रमाणको वैज्ञानिक परीक्षण सम्बन्धी व्यवस्था र सोको कार्यान्वयनमा विचार गर्नुपर्ने लगायतका विषयमा छलफल गरिने जनाइएको छ ।

दुई दिने सम्मेलनमा प्रदेश नं १ र २ का प्रहरी प्रमुख, अपराध अनुसन्धान कार्यालयमा खटिने जिल्लाका प्रहरी प्रमुख, विभिन्न जिल्लाका सरकारी वकिल र अञ्चल र जिल्ला अस्पतालका चिकित्सकको सहभागिता गरी १५० जनाको सहभागिता रहेको छ ।

विज्ञापन बक्स