नवलपरासी : ६ घण्टामा ५ संक्रमितको मृत्यु

766SHARES

२१ बैशाख, नवलपरासी । पश्चिम नवलपरासीमा ६ घण्टाको अन्तरमा ५ जनाको कोरोना संक्रमणबाट मृत्यु भएको छ । जसमा भैरहवा मेडिकल कलेजमा ३ र पृथ्वीचन्द्र जिल्ला अस्पतालमा २ जना छन् ।

भैरहवा मेडिकल कलेजमा मृत्यु हुनेमा पाल्हीनन्दन गाउँपालिका–४ का ५५ वर्षीया महिला, बर्दघाट नगरपालिका–१२ का ५४ वर्षीया महिला र सुस्ता गाउँपालिका– १ का ७० वर्षीय पुरुष रहेको स्वास्थ्य कार्यालयका कोरोना फोकल पर्सन देवीलाल पौडेलले जानकारी दिए ।

त्यसैगरी पृथ्वीचन्द्र जिल्ला अस्पतालमा मृत्यु हुनेमा रामग्राम नगरपालिका–४ का ४५ वर्षीय पुरुष र पाल्हीनन्दन गाउँपालिका–१ का ५५ वर्षीय पुरुष रहेका छन् ।

वैशाख पहिलो सातादेखि मंगलबारसम्म जिल्लामा मृत्यु हुनेको संख्या २० पुगेको पौडेलले जानकारी दिए ।

अहिले सक्रिय संक्रमितको संख्या ५ सय बढी पुगेको छ। अधिकांश संक्रमित होम आइसोलेसनमा छन् । अहिलेसम्म जिल्लामा कोरोनाबाट मृत्यु हुनेको संख्या ५२ जना पुगको स्वास्थ्य कार्यालयले जनाएको छ ।

छुटाउनुभयो कि?

सम्पूर्ण